* 7 முன்னாள் அமைச்சர்களுக்கு சீட் இல்லை
* 14 மாஜி அமைச்சர்களுக்கு மீண்டும் வாய்ப்பு
சென்னை: அதிமுகவில் முதற்கட்டமாக 23 வேட்பாளர்கள் அறிவிக்கப்பட்டிருந்த நிலையில், 2வது கட்டமாக 127 தொகுதிக்கான வேட்பாளர் பட்டியலை எடப்பாடி பழனிசாமி நேற்று வெளியிட்டார். அதில் 7 முன்னாள் அமைச்சர்கள் உள்பட பலருக்கு சீட் மறுக்கப்பட்டுள்ளது. தமிழக சட்டசபை தேர்தல் அடுத்த மாதம் 23ம் தேதி நடைபெற உள்ளது. தேர்தலில் பதிவாகும் வாக்குகள் மே 4ம் தேதி எண்ணப்பட்டு முடிவுகள் அன்றே அறிவிக்கப்பட உள்ளன. இதனிடையே, தமிழக சட்டசபை தேர்தலில் கூட்டணி கட்சிகளுக்கு 66 தொகுதிகளை ஒதுக்கிய அதிமுக 168 தொகுதிகளில் நேரடியாக களம் காண்கிறது.
அதன்படி, முதற்கட்டமாக 23 தொகுதிகளுக்கு அதிமுக கடந்த சில நாட்களுக்கு முன் வேட்பாளர்களை அறிவித்தது. இந்நிலையில், 2ம் கட்டமாக 127 தொகுதிகளுக்கு அதிமுக நேற்று வேட்பாளர்களை அறிவித்துள்ளது. மொத்தமாக 150 தொகுதிகளுக்கு வேட்பாளர் அறிவிக்கப்பட்டுள்ளது. சென்னையில் 12 தொகுதிகள் உள்பட 18 தொகுதிகளுக்கு வேட்பாளர் அறிவிக்கப்பட வேண்டியுள்ளது. அதிமுக இதுவரை வெளியிட்டுள்ள 150 வேட்பாளர் பட்டியலில் முன்னாள் சபாநாயகர் தனபால் பெயர் இடம் பெறவில்லை. அதேபோன்று சங்ககிரி தொகுதியில் வெற்றிபெற்ற அதிமுக எம்எல்ஏவும், முன்னாள் சமூகநலத்துறை அமைச்சருமான டாக்டர் வி.சரோஜாவுக்கு இந்தமுறை சீட் வழங்கப்படவில்லை.
இதேபோன்று முன்னாள் அமைச்சர்கள் வெல்லமண்டி நடராஜன், மணிகண்டன், வைகைச்செல்வன், மாபா.பாண்டியராஜன், சேவூர் ராமச்சந்திரன், ராஜலட்சுமி உள்ளிட்ட 7 பேருக்கு அதிமுகவில் போட்டியிட மீண்டும் சீட் வழங்கப்படவில்லை. இதில் வெல்லமண்டி நடராஜன் ஓ.பன்னீர்செல்வம் அணியில் இருந்து கடந்த 2 வாரங்களுக்கு முன் அதிமுகவில் இணைந்தார். அப்போது அவருக்கு எம்எல்ஏ சீட் வழங்கப்படும் என்று உறுதி அளிக்கப்பட்டு இருந்தது. ஆனால் தற்போது அவர் ஏமாற்றம் அடைந்துள்ளார்.
14 முன்னாள் அமைச்சர்களுக்கு மீண்டும் வாய்ப்பு வழங்கப்பட்டுள்ளது. அதன்படி, பி.வி.மரணா – திருவள்ளூர் தொகுதி, மாதவரம் வி.மூர்த்தி – மாதவரம், வி.சோமசுந்தரம் – காஞ்சிபுரம், பி.பாலகிருஷ்ண ரெட்டி – ஓசூர், எஸ்.ராமச்சந்திரன் – கீழ்பென்னாத்தூர் முக்கூர் என்.சுப்பிரமணியன் – செய்யாறு, சி.தாமோதரன் – கிணத்துக்கடவு, பொள்ளாச்சி வி.ஜெயராமன் – பொள்ளாச்சி, கே.ராதாகிருஷ்ணன் – உடுமலைப்பேட்டை, எம்.சி.சம்பத் – கடலூர், எம்.எஸ்.எம்.ஆனந்தன் – திருப்பூர் வடக்கு, சி.செல்லப்பாண்டியன் – தூத்துக்குடி, எஸ்.பி.சண்முகநாதன் – ஸ்ரீவைகுண்டம், இசக்கி சுப்பையா அம்பாசமுத்திரம், தளவாய் சுந்தரம் – கன்னியாகுமரி உள்ளிட்ட 14 முன்னாள் அமைச்சர்களுக்கு மீண்டும் சீட் வழங்கப்பட்டுள்ளது.
இந்தப் பட்டியலில் பெண்கள் 17 பேர் இடம் பெற்றுள்ளனர். அதன்படி, மரகதம் – பாப்பிரெட்டிப்பட்டி, சரோஜா – துறையூர், உஷாராணி – ஏற்பாடு, ம.சக்தி – சீர்காழி, பரிதா – குடியாத்தம், லீமா ரோஸ் – லால்குடி, தேன்மொழி – நிலக்கோட்டை, ஜெயசுதா – ஆரணி, ராணி – வந்தவாசி, விஜயா – விழுப்புரம், சத்தியபாமா – தாராபுரம், இளமதி சுப்ரமணியன் – திருவிடைமருதூர், சந்திரபிரபா – ஸ்ரீவில்லிபுத்தூர், கீர்த்தினா – திருவாடனை, சத்யா – வியாத்திகுளம், மரகதம் குமரவேல் – மதுராந்தகம் ஆகியோர் போட்டியிடுகிறார்கள்.
அதிமுக முதல் பட்டியலில் ஒரு பெண் வேட்பாளர் கூட அறிவிக்கப்படவில்லை என்பது குறிப்பிடத்தக்கது. அதேபோன்று அதிமுக சார்பில் நேற்று வெளியிட்டுள்ள வேட்பாளர் பட்டியலில் 42 புதுமுகங்களுக்கு போட்டியிட வாய்ப்பு அளிக்கப்பட்டுள்ளது. அதில், ஒரே ஒரு தொகுதியில் மட்டுமே இஸ்லாமிய வேட்பாளர் போட்டியிட வாய்ப்பு அளிக்கப்பட்டுள்ளது. அதன்படி, பாளையங்கோட்டை தொகுதியில் எஸ்.சையது சுல்தான் சம்சுதீன் வேட்பாளராக நிறுத்தப்பட்டுள்ளார். அதிமுகவின் முதல் வேட்பாளர் பட்டியல் உள்பட இதுவரை வெளியிடப்பட்ட 150 வேட்பாளர் பட்டியலில் ஒரே ஒரு தொகுதியில் மட்டுமே இஸ்லாமிய வேட்பாளர் நிறுத்தப்பட்டுள்ளது குறிப்பிடத்தக்கது.
அதிமுக போட்டியிடும் 168 இடங்களில் இரண்டு கட்டங்களாக 150 தொகுதிகளுக்கு அதிமுக வேட்பாளர் பட்டியல் வெளியிடப்பட்டுள்ளது. மீதமுள்ள 18 தொகுதிக்கு இன்னும் ஒன்று, இரண்டு நாளில் வெளியிட உள்ளது. குறிப்பாக சென்னையில் போட்டியிட உள்ள 12 தொகுதிகளுக்கு இன்னும் பட்டியல் வெளியிடப்படவில்லை என்பது குறிப்பிடத்தக்கது. அறிவிக்கப்பட்ட பல இடங்களில் வேட்பாளர்களுக்கு எதிர்ப்பும் ஏற்பட்டுள்ளது. நாமக்கல்லில் எம்எல்ஏ பாஸ்கருக்கு சீட் வழங்கப்படவில்லை. அவர் தங்கமணியுடன் நேரடியக மோதி வந்தார்.
இதனால் தங்கமணியின் வற்புறுத்தலினால் அவருக்கு சீட் வழங்கப்படவில்லை என்று கூறப்படுகிறது. அதேபோல, பண்ருட்டி தொகுதி அதிமுக வேட்பாளராக மோகன் அறிவிக்கப்பட்டுள்ளார். அங்கு முன்னாள் எம்எல்ஏ சத்யா பன்னீர்செல்வம் ஆதரவாளர்கள் எதிர்ப்பு தெரிவித்து வருகின்றனர். தர்மபுரி மாவட்டம் பாப்பிரெட்டிப்பட்டி தொகுதியில் சிட்டிங் எம்எல்ஏ கோவிந்தசாமிக்கு வாய்ப்பு மறுக்கப்பட்டுள்ளது. அதிமுக பொதுச்செயலாளர் எடப்பாடி பழனிசாமியின் சொந்த மாவட்டமான சேலத்தில் சேலம் தெற்கு- பாலசுப்ரமணியன், வீரபாண்டி-ராஜாமுத்து, ஏற்காடு-சித்ரா, சங்க கிரி-ராஜா என்று 4 பேருக்கு சீட் மறுக்கப்பட்டுள்ளது. கோவை மாவட்டம் மேட்டுப்பாளையம் தொகுதி அதிமுக எம்.எல்.ஏ ஏ.கே.செல்வராஜுவுக்கு கல்தா கொடுக்கப்பட்டுள்ளது. மாஜி எம்.எல்.ஏ ஓ.கே.சின்னராஜுவுக்கு மீண்டும் சீட் வழங்கப்பட்டுள்ளது. ஸ்ரீவில்லிபுத்தூர் எம்எல்ஏ மான்ராஜூக்கு சீட் மறுக்கப்பட்டுள்ளது. தற்போதைய எம்எல்ஏக்கள், முன்னாள் அமைச்சர்களுக்கு சீட் மறுக்கப்பட்டுள்ளதால் அதிமுகவில் பல இடங்களில் மோதல் எழுந்துள்ளது. போராட்டங்களும் நடைபெற்று வருகின்றன.
* தமிழக சட்டசபை தேர்தலில் அதிமுக 168 தொகுதிகளில் நேரடியாக களம் காண்கிறது.
* அதிமுக முதல்கட்டமாக 23 தொகுதிகளுக்கு வேட்பாளர் பட்டியலை வெளியிட்டது.
* இரண்டாம் கட்டமாக 127 தொகுதிகளுக்கு நேற்று வேட்பாளர் பட்டியல் வெளியிடப்பட்டது.
* இதுவரை 150 தொகுதிகளுக்கு வேட்பாளர்கள் அறிவிக்கப்பட்டுள்ளனர். சென்னையில் 12 தொகுதிகள் உள்பட 18 தொகுதிகளுக்கு வேட்பாளர் அறிவிக்கப்பட வேண்டியுள்ளது.
1. கும்மிடிப்பூண்டி வி.சுதாகர்
2. பொன்னேரி (தனி) சிறுணியம் பி.பலராமன்
3. திருத்தணி திருத்தணி கோ.அரி
4. திருவள்ளூர் பி.வி.ரமணா
5. மாதவரம் மாதவரம் வி.மூர்த்தி
6. திருவொற்றியூர் கே.குப்பன்
7. ஸ்ரீபெரும்புதூர் (தனி) கே.பழனி
8. தாம்பரம் சிட்லபாக்கம் ச.ராசேந்திரன்
9. செங்கல்பட்டு எம்.கஜா (எ) கஜேந்திரன்
10. செய்யூர் (தனி) இ.ராஜசேகர்
11. மதுராந்தகம் (தனி) மரகதம் குமரவேல்
12. காஞ்சிபுரம் வி.சோமசுந்தரம்
13. அரக்கோணம் (தனி) சு.ரவி
14. காட்பாடி வி.ராமு
15. ஆற்காடு எஸ்.எம்.சுகுமார்
16. வேலூர் எஸ்.ஆர்.கே.அப்பு
17. அணைக்கட்டு த.வேலழகன்
18. குடியாத்தம் (தனி) ஜி.பரிதா புருஷோத்தமன்
19. வாணியம்பாடி ஜி.செந்தில்குமார்
20. ஆம்பூர் ஆர்.வெங்கடேசன்
21. ஊத்தங்கரை (தனி) டி.எம்.தமிழ்செல்வம்
22. பர்கூர் இ.சி.கோவிந்தராசன்
23. கிருஷ்ணகிரி கே.அசோக்குமார்
24. வேப்பனஹள்ளி பி.பாலகிருஷ்ண ரெட்டி
25. பாப்பிரெட்டிபட்டி மரகதம் வெற்றிவேல்
26. அரூர் (தனி) வி.சம்பத்குமார்
27. செங்கம் (தனி) டி.எஸ்.வேலு
28. கீழ்பென்னாத்தூர் எஸ்.ராமச்சந்திரன்
29. போளூர் எல்.ஜெயசுதா
30. செய்யாறு முக்கூர் என்.சுப்பிரமணியன்
31. வந்தவாசி (தனி) பி.ராணி
32. திண்டிவனம் (தனி) பி.அர்ஜூனன்
33. விக்கிரவாண்டி பி.முருகன்
34. விழுப்புரம் கே.விஜயா
35. திருக்கோயிலூர் எஸ்.பழனிசாமி
36. உளுந்தூர்பேட்டை இரா.குமரகுரு
37. சங்கராபுரம் ஆர்.ராகேஷ்
38. கள்ளக்குறிச்சி (தனி) எஸ்.ராஜீவ்காந்தி
39. கங்கவல்லி (தனி) ஏ.நல்லதம்பி
40. ஆத்தூர் (தனி) ஏ.பி.ஜெயசங்கரன்
41. ஏற்காடு (ST) பி.உஷாராணி
42. ஓமலூர் ஆர்.மணி
43. மேட்டூர் ஜி.வெங்கடாஜலம்
44. சங்ககிரி எஸ்.வெற்றிவேல்
45. சேலம் தெற்கு ஜெ.வினோத்
46. வீரபாண்டி டாக்டர் ஸ்ரீ பாலாஜி சுகுமார்
47. சேந்தமங்கலம் (ST) சி.சந்திரசேகரன்
48. நாமக்கல் ஸ்ரீதேவி பி.எஸ்.மோகன்
49. பரமத்தி வேலூர் எஸ்.சேகர்
50. திருச்செங்கோடு ஆர்.சந்திரசேகர்
51. ஈரோடு (கிழக்கு) ஆர்.மனோகரன்
52. தாராபுரம் (தனி) பி.சத்தியபாமா
53. காங்கயம் என்.எஸ்.என்.நடராஜ்
54. பெருந்துறை ஜெ.கே. (எ) எஸ்.ஜெயக்குமார்
55. அந்தியூர் பி.ஹரிபாஸ்கர்
56. கோபிச்செட்டிப்பாளையம் வி.எஸ்.பிரபு
57. பவானிசாகர் (தனி) ஏ.பண்ணாரி
58. கூடலூர் (தனி) பொன்.ஜெயசீலன்
59. உதகமண்டலம் ஏ.ராமு
60. மேட்டுப்பாளையம் ஓ.கே.சின்னராஜ்
61. திருப்பூர் (வடக்கு) எம்.எஸ்.எம்.ஆனந்தன்
62. பல்லடம் பல்லடம் கே.பி.பரமசிவம்
63. சூலூர் வி.பி.கந்தசாமி
64. கவுண்டம்பாளையம் பி.ஆர்.ஜி.அருண்குமார்
65. கோயம்புத்தூர் தெற்கு அம்மன் கே.அர்ச்சுணன்
66. சிங்காநல்லூர் கே.ஆர்.ஜெயராம்
67. கிணத்துக்கடவு செ.தாமோதரன்
68. பொள்ளாச்சி பொள்ளாச்சி வி.ஜெயராமன்
69. வால்பாறை டி.லட்சுமண சிங்
70. உடுமலைப்பேட்டை உடுமலை கே.ராதாகிருஷ்ணன்
71. பழநி கே.ரவி மனோகரன்
72. ஆத்தூர் ஏ.விஸ்வநாதன்
73. நிலக்கோட்டை (தனி) எஸ்.தேன்மொழி
74. வேடசந்தூர் டாக்டர் வி.பி.பி.பரமசிவம்
75. அரவக்குறிச்சி கே.செல்வக்குமார்
76. கிருஷ்ணராயபுரம் (தனி) டாக்டர் எஸ்.திவ்யா
77. குளித்தலை எஸ்.கருணாகரன்
78. மணப்பாறை டாக்டர் பி.எல்.விஜயகுமார்
79. ஸ்ரீரங்கம் ஆர்.மனோகரன்
80. திருச்சி (கிழக்கு) க.ராஜசேகரன்
81. திருவெறும்பூர் ப.குமார்
82. லால்குடி டாக்டர் எம்.லீமா ரோஸ்
83 மண்ணச்சநல்லூர் என்.யோகநாதன்
84. துறையூர் (தனி) இ.சுரோஜா
85. பெரம்பலூர் (தனி) இளம்பை இரா.தமிழ்ச்செல்வன்
86. நெய்வேலி சொரத்தூர் இரா.ராஜேந்திரன்
87. பண்ருட்டி கே.மோகன்
88. கடலூர் எம்.சி.சம்பத்
89. குறிஞ்சிப்பாடி ஏ.புவனேந்திரன்
90. புவனகிரி ஆ.அருண்மொழிதேவன்
91. சிதம்பரம் கே.ஏ.பாண்டியன்
92. சீர்காழி (தனி) ம.சக்தி
93. பூம்புகார் எஸ்.பவுன்ராஜ்
94. நாகப்பட்டினம் தங்க.கதிரவன்
95. திருத்துறைப்பூண்டி உ.பாலதண்டாயுதம்
96. திருவிடைமருதூர் இளமதி சுப்ரமணியன்
97. பாபநாசம் டி.சண்முகபிரபு
98. ஒரத்தநாடு எம்.சேகர்
99. பட்டுக்கோட்டை சி.வி.சேகர்
100. பேராவூரணி கோவி.இளங்கோ
101. திருமயம் பி.கே.வைரமுத்து
102. சிவகங்கை பி.ஆர்.செந்தில்நாதன்
103. மேலூர் பி.பெரியபுள்ளான் (எ) செல்வம்
104. மதுரை கிழக்கு மாங்குளம் கே.மகேந்திரன்
105. சோழவந்தான் (தனி) கி.மாணிக்கம்
106. மதுரை வடக்கு டாக்டர் பி.சரவணன்
107. உசிலம்பட்டி ஐ.மகேந்திரன்
108. ஆண்டிபட்டி ஏ.லோகிராஜன்
109. போடிநாயக்கனூர் வி.டி.நாராயணசாமி
110. கம்பம் எஸ்.டி.கே.ஜக்கையன்
111. ஸ்ரீவில்லிபுத்தூர் (தனி) எம்.சந்திரபிரபா
112. விருதுநகர் வி.ஜி.கணேசன்
113. அருப்புக்கோட்டை எஸ்.சேதுபதி
114. பரமக்குடி (தனி) டாக்டர் எஸ்.முத்தையா
115. திருவாடானை கீர்த்திகா முனியசாமி
116. முதுகுளத்தூர் மலேசியா எஸ்.பாண்டி
117. விளாத்திகுளம் ஆர்.சத்யா
118. தூத்துக்குடி சி.த.செல்லப்பாண்டியன்
119. ஸ்ரீவைகுண்டம் எஸ்.பி.சண்முகநாதன்
120. சங்கரன்கோவில் (தனி) டாக்டர் திலிபன் ஜெய்சங்கர்
121. கடையநல்லூர் சி.கிருஷ்ணமுரளி
122. தென்காசி எஸ்.செல்வமோகன்தாஸ்-பாண்டியன்
123. ஆலங்குளம் கே.ஆர்.பி.பிரபாகரன்
124. திருநெல்வேலி தச்சை என்.கணேசராஜா
125. அம்பாசமுத்திரம் இசக்கி சுப்பையா
126. பாளையங்கோட்டை எஸ்.சையது சுல்தான் சம்சுதீன்
127. கன்னியாகுமரி என்.தளவாய்சுந்தரம்
முதற்கட்டமாக அறிவிக்கப்பட்ட 23 பேர் வேட்பாளர் பட்டியல்
1. எடப்பாடி எடப்பாடி பழனிசாமி
2. வேப்பனஹள்ளி கே.பி.முனுசாமி
3. திண்டுக்கல் திண்டுக்கல் சீனிவாசன்
4. நத்தம் நத்தம் விசுவநாதன்
5. தொண்டாமுத்தூர் எஸ்.பி.வேலுமணி
6. குமாரபாளையம் பி.தங்கமணி
7. ராயபுரம் டி.ஜெயக்குமார்
8. மயிலம் சி.வி.சண்முகம்
9. மதுரை மேற்கு செல்லூர் கே.ராஜு
10. பாலக்கோடு கே.பி.அன்பழகன்
11. நன்னிலம் ஆர்.காமராஜ்
12. வேதாரண்யம் ஓ.எஸ்.மணியன்
13. விராலிமலை சி.விஜயபாஸ்கர்
14. கோவில்பட்டி கடம்பூர் ராஜு
15. திருமங்கலம் ஆர்.பி.உதயகுமார்
16. சிவகாசி கே.டி.ராஜேந்திர பாலாஜி
17. மதுரவாயல் பா.பெஞ்சமின்
18. கலசபாக்கம் அக்ரி கிருஷ்ணமூர்த்தி
19. திருப்பரங்குன்றம் வி.வி.ராஜன் செல்லப்பா
20. பவானி கே.சி.கருப்பண்ணன்
21. ஜோலார்பேட்டை கே.சி.வீரமணி
22. கரூர் எம்.ஆர்.விஜயபாஸ்கர்
23. அரியலூர் தாமரை எஸ்.ராஜேந்திரன்
