ராஜபாளையத்தில் இன்று மின் நுகர்வோர் குறைதீர்க்கும் கூட்டம்

ராஜபாளையம், மார்ச் 3: ராஜபாளையத்தில் இன்று மின் நுகர்வோர் குறைதீர் கூட்டம் நடைபெற உள்ளது. ராஜபாளையம் கோட்டத்தில் உள்ள மின் நுகர்வோர்களின் குறைகளை தீர்க்கும் வகையில் இன்று காலை 11 மணிக்கு மின் நுகர்வோர் குறைதீர்க்கும் கூட்டம் நடைபெற உள்ளது. விருதுநகர் மின் பகிர்மானம் வட்டம் மேற்பார்வை பொறியாளர் தலைமையில் ராஜபாளையம் தமிழ்நாடு மின்சார வாரியம் செயற்பொறியாளர் அலுவலகத்தில் வைத்து நடைபெறும் கூட்டத்தில் சம்பந்தப்பட்ட குறைகளை விருதுநகர் மேற்பார்வை பொறியாளரிடம் நேரில் தெரிவித்து பயனடையலாம் என ராஜபாளையம் மின் பகிர்மானம் செயற்பொறியாளர் முத்துராஜ் தெரிவித்தார்.