தோகா: இன்று இரவு 8.30 மணிக்கு நடைபெறும் போட்டியில் பிரான்ஸ் - போலாந்து அணிகள் மோதுகின்றன. உலக கோப்பை கால்பந்து போட்டி கடந்த மாதம் 20-ம் தேதி கத்தாரில் தொடங்கியது. இதில் 32 நாடுகள் பங்கேற்றுள்ளன. அவை 8 பிரிவாக பிரிக்கப்பட்டுள்ளன. ஒவ்வொரு பிரிவிலும் 4 அணிகள் இடம்பெற்றன. லீக் சுற்று முடிவில் ஒவ்வொரு பிரிவிலும் முதல் 2 இடங்களை பிடித்த அணிகள் நாக்-அவுட் ரவுண்டான 2-வது சுற்றுக்கு நுழையும்.

அதன்படி, நெதர்லாந்து , செனகல் (குரூப் ஏ), இங்கிலாந்து, அமெரிக்கா (பி), அர்ஜென்டினா, போலந்து (சி), பிரான்ஸ், ஆஸ்திரேலியா (டி), ஜப்பான், ஸ்பெயின், (இ), மொராக்கோ , குரோஷியா (எப்) , பிரேசில், சுவிட்சர்லாந்து (ஜி), போர்ச்சுக்கல், தென் கொரியா (எச்) ஆகிய 16 நாடுகள் 2-வது சுற்றுக்கு தகுதி பெற்றன.

இதில் நேற்று நடைபெற்ற போட்டியில் அமெரிக்காவை வீழ்த்தி நெதர்லாந்தும், ஆஸ்திரேலியாவை வீழ்த்தி அர்ஜெண்டினா அணியும் காலிறுதி சுற்றுக்கு முன்னேறின. இந்த நிலையில், இன்று நடைபெறும் 2வது சுற்று போட்டியில் இரவு 8.30 மணிக்கு நடைபெறும் போட்டியில் பிரான்ஸ் - போலாந்து அணிகள் மோதுகின்றன. பின்னர் இந்திய நேரப்படி நள்ளிரவு 12.30 மணிக்கு நடைபெறும் மற்றொரு ஆட்டத்தில் இங்கிலாந்து-செனகல் அணிகள் மோதுகின்றன.