மும்பை: அமிதாப் பச்சனுக்கு திடீரென அறுவை சிகிச்சை நடந்திருப்பது தெரியவந்துள்ளது. 83 வயதிலும் அமிதாப் பச்சன் சும்மா இருக்கவில்லை. தொடர்ந்து தனது பணிகளில் பிசியாக ஈடுபட்டு வருகிறார். சினிமாவுடன் சோஷியல் மீடியாவிலும் ஆக்டிவாக இருக்கிறார். வயோதிகத்தால் ஏற்படும் பிரச்னைகளை அவர் அவ்வப்போது சோஷியல் மீடியாவில் பகிர்ந்துகொள்வது வழக்கம்.

பிரபாஸ் நடிப்பில் வெளியான ‘கல்கி 2898 ஏடி’ படத்தின் அடுத்த பாகத்திலும் அமிதாப் பச்சன் நடிக்கிறார். சமீபகாலமாக இதன் படப்பிடிப்பில் இவர் பங்ேகற்று நடித்து வந்தார். இப்படத்தை நாக் அஸ்வின் இயக்கி வருகிறார். இதில் கமல்ஹாசன், பிரபாஸ், அலியா பட் என மிகப்பெரிய நட்சத்திர பட்டாளமே நடித்து வருகிறது. இந்நிலையில் தனது உடல் நிலை பாதிக்கப்பட்டது தொடர்பாக டிவிட்டரில் அமிதாப் பச்சன் தெரிவித்திருக்கிறார்.

இது குறித்து விசாரித்தபோது, அவர் மும்பை மருத்துவமனையில் ஐசியூவில் சேர்க்கப்பட்டதும் அவருக்கு அறுவை சிகிச்சை நடந்ததும் தெரியவந்துள்ளது. அவரது உடலுக்கு என்ன பிரச்னை எனக் கூற அவரது குடும்பத்தினர் மறுத்துவிட்டனர். ‘அமிதாப்ஜி சீக்கிரம் குணமடையுங்கள்’ என ரசிகர்கள் சோஷியல் மீடியாவில் கருத்து தெரிவித்து வருகிறார்கள்.