கொச்சி: கடந்த 12 வருடங்களுக்கு பிறகு பிளாக்பஸ்டர் கூட்டணியான நிவின் பாலியும், இயக்குனர் அல்போன்ஸ் புத்திரனும் ‘விஜயம்’ என்ற படத்துக்காக மீண்டும் இணைந்துள்ளனர். ‘நேரம்’, ‘பிரேமம்’ ஆகிய படங்களின் வெற்றியை தொடர்ந்து இக்கூட்டணி இணைந்துள்ளது. நிவின் பாலியின் 50வது படமான ‘விஜயம்’ படத்தின் தலைப்புக்கான அறிமுக வீடியோ, எர்ணாகுளம் திரையரங்கில் ரசிகர்களின் முன்னிலையில் வெளியிடப்பட்டது.
ரேஸ் பின்னணியில் படம் உருவாகிறது. அல்போன்ஸ் புத்திரன் கதை எழுதி இயக்கி எடிட்டிங் செய்கிறார். பாலி ஜூனியர் பிக்சர்ஸ், சினிஹோலிக்ஸ் சார்பில் டன்சன் டோனி, சுனில் ராமடி இணைந்து தயாரிக்கின்றனர். நிர்வாக தயாரிப்பு மற்றும் வடிவமைப்பு பணிகளை குட்டு சிவானந்தன் மேற்கொள்கிறார். ‘துரந்தர் 1’, ‘துரந்தர் 2’, ஆர்யன் கான் இயக்கிய ‘பார்ட்ஸ் ஆஃப் பாலிவுட்’ ஆகிய படங்களுக்கு இசை அமைத்திருந்த கேரளாவை சேர்ந்த ஸ்டீவ் கோட்டூர் பின்னணி இசை அமைக்கிறார்.
