புச்சி பாபு சனா இயக்கத்தில் ராம் சரண் நடிப்பில் வெளியான ‘பெத்தி’ என்ற பான் இந்தியா படத்தில், ஜான்வி கபூரை கிளாமருக்கு மட்டுமே பயன்படுத்தியதாக ரசிகர்கள் கடுமையாக விமர்சித்தனர். இதை தொடர்ந்து பகிரங்க மன்னிப்பு கேட்டு தனது வருத்தத்தை புச்சி பாபு சனா பதிவு செய்தார். இப்படம் குறித்து ஒரு வார்த்தை கூட பேச விரும்பாத ஜான்வி கபூர், தன்னை கிளாமருக்கு மட்டுமே பயன்படுத்திய படக்குழு மீது செம கோபமாக இருக்கிறார்.

இதனால், ஜான்வி கபூரின் கிளாமர் காட்சிகளை நீக்கிவிட்டு, அதற்கு பதிலாக ராம் சரண், ஜெகபதி பாபு நடித்த காட்சிகளை சேர்க்க படக்குழு முடிவு செய்துள்ளது. சிவராஜ்குமாரின் பிளாஷ்பேக் காட்சிகளும் குறைக்கப்படுகிறது. இந்நிலையில் ஹாரர் படத்தில் ஒப்பந்தமாகியுள்ள ஜான்வி கபூர், தனது கேரக்டருக்காக முன்கூட்டியே பயிற்சி பெற திட்மிட்டுள்ளார். இப்படம் விசித்திர உயிரினம் சார்ந்த திகில் கதையுடன் உருவாக்கப்படுகிறது.