முருகதாஸ் சொன்னதால் சீக்கிரமாக தூங்குகிறேன்: ஜெய் பேச்சு

சென்னை: பி.வி புரொடக்‌ஷன் சார்பில், ஏ.ஆர்.முருகதாஸ் உதவியாளர் பாபு விஜய் தயாரித்து எழுதி இயக்க, ஜெய் ஜோடியாக மீனாட்சி கோவிந்தராஜன் நடித்துள்ள படம், ‘சட்டென்று மாறுது வானிலை’. ரிச்சர்ட் எம்.நாதன் ஒளிப்பதிவு செய்ய, கிரிஷ் கோபாலகிருஷ்ணன் இசை அமைத்துள்ளார். சினேகன் பாடல்கள் எழுத, முரளி சண்டை பயிற்சி அளித்துள்ளார். டார்லிங் ரிச்சர்ட்சன் எடிட்டிங் செய்ய, எஸ்.கண்ணன் அரங்கம் அமைத்துள்ளார்.

நாளை திரைக்கு வரும் இப்படம் குறித்து ஜெய் கூறியதாவது: எனக்கு மிகவும் பிடித்த இயக்குனர் ஏ.ஆர்.முருகதாஸ். இப்போது அவரது உதவியாளர் பாபு விஜய் இயக்கியுள்ள படத்தில் நடித்திருப்பதை நினைத்து சந்தோஷப்படுகிறேன். ஒருமுறை ஏ.ஆர்.முருகதாஸ், ‘ஷூட்டிங் நடக்கும்போது சீக்கிரமாக தூங்கிவிடுங்கள். லேட்டாக தூங்கினால் டார்க் சர்கிள்ஸ் வரும். அதை மறைக்க மேக்கப் போடுவார்கள்.

அந்த மேக்கப்புக்கு கேமராமேன் லைட்டிங்கை மாற்ற வேண்டும். உங்களது தூக்கமின்மை பிறகு நிறையபேரின் வேலையை பாதிக்கும்’ என்று அட்வைஸ் செய்தார். அன்று முதல் இன்று வரை சீக்கிரமாக தூங்குகிறேன். இப்படத்தின் முதல் பாதியில் விஜய் சார் ஃபேன் மொமெண்ட்ஸ் இருக்கும். இரண்டாம் பாதியில் வேறொரு இம்பாக்ட்டுக்கு கதை போய்விடும். ‘வீரபாண்டியபுரம்’ படத்துக்கு பிறகு மீனாட்சி கோவிந்தராஜனுடன் இதில் மீண்டும் இணைந்து நடித்துள்ளேன்.