கொச்சி: பல வருட இடைவெளிக்கு பிறகு மலையாளத்தில் மம்மூட்டி, மோகன்லால் இணைந்து நடித்து திரைக்கு வந்த படம், ‘பேட்ரியாட்’. இது எதிர்பார்த்த வெற்றியை பெறவில்லை என்று கூறப்படுகிறது. எடிட்டர் மகேஷ் நாராயணன் இயக்கிய இப்படத்தில், அரசாங்கத்துக்காக கண்டுபிடிக்கப்படும் விஞ்ஞான தொழில்நுட்பத்தை சுயநலத்துக்காக பயன்படுத்த முயற்சிக்கும் ஒரு அமைச்சரையும், அவரது மகனின் தீய நோக்கத்தையும் முறியடிக்கும் ராணுவ அதிகாரி வேடத்தில் மம்மூட்டி நடித்தார். அந்த தொழில்நுட்பத்தை தவறாக பயன்படுத்தும் தொழிலதிபர் கேரக்டரில் பஹத் பாசில் நடித்திருந்தார்.

ஆனால், அவரது கேரக்டரும், நடிப்பும் எதிர்பார்த்த அளவுக்கு இல்லை என்று ரசிகர்களும், நெட்டிசன்களும் கடுமையாக விமர்சித்து வருகின்றனர். இதுகுறித்து மகேஷ் நாராயணன் கூறுகையில், ‘இப்படத்தில் பஹத் பாசில் தனது கேரக்டருக்கு தேவையான நடிப்பை மிகவும் நேர்மையாக வழங்கியுள்ளார். அவரது நடிப்பில் ஏதேனும் தவறு இருப்பதாக மக்கள் நினைத்தால், அது இயக்குனரான எனது தவறாகவே இருக்கும்’ என்று விளக்கம் அளித்தார்.