லோகேஷ் கனகராஜ், கார்த்திக் சுப்புராஜின் இயல்பு: ஆர்ஜே பாலாஜி கலகல

சென்னை: இயக்குனர் கார்த்திக் சுப்புராஜின் ஸ்டோன் பென்ச் மற்றும் லோகேஷ் கனகராஜின் ஜி ஸ்குவாட் நிறுவனம் இணைந்து ‘29’ என்ற படத்தை தயாரித்துள்ளனர். ‘மேயாத மான்’, ‘ஆடை’ ஆகிய படங்கள் மூலம் கவனம் ஈர்த்த ரத்னகுமார் இப்படத்தை இயக்கியுள்ளார். இதில் விது, பிரீத்தி அஸ்ரானி முன்னணி வேடத்தில் நடித்துள்ளனர்.

இப்படத்தின் புரொமோஷன் விழாவில் நடிகரும், இயக்குனருமான ஆர்ஜே பாலாஜி கலந்துகொண்டு பேசுகையில், ‘‘லோகேஷ் கனகராஜ் சினிமாவுக்குள் வருவதற்கு முன்பே என் நண்பர். அவர் ஏன் இந்த தேர்தலில் ஓட்டுப்போடவில்லை என்று விமர்சிக்கிறார்கள். தேர்தல் அன்று, விமானத்தை அவர் தவறவிட்டுவிட்டார்.

அவர் வருவதற்குள் கேட்டை மூடிவிட்டார்கள். இந்த உண்மையை நான் உலகுக்கு சொல்லிக்கொள்கிறேன். அப்போது நானும் அங்குதான் இருந்தேன். அவர் பேசுவதற்கு இனிமையானவர். கார்த்திக் சுப்புராஜூம் எனக்கு நீண்டகால நண்பர் தான். எதை பார்த்தும் அலட்டிக் கொள்ள மாட்டார். ‘29’ படம் பெரிய ஹிட்டாக வாழ்த்துகள்’’ என்றார். இப்படத்தை கார்த்திகேயன் தயாரித்துள்ளார்.