ஐதராபாத்: பிரசாந்த் நீல் இயக்கும் டிராகன் பான் இந்தியா படத்தில் ஜூனியர் என்டிஆர், ருக்மணி வசந்த் நடிக்கிறார்கள். இந்த படத்தின் குறிப்பிட்ட சில காட்சிகளுக்காக சிக்ஸ் பேக் உடற்கட்டு வேண்டும் என பிரசாந்த் நீல், ஜூனியர் என்டிஆரிடம் கேட்டிருக்கிறார். இதையடுத்து தொடர்ந்து ஒர்க்அவுட் செய்தும் உணவில் கட்டுப்பாடுகள் கடைப்பிடித்தும் 20 நாளில் சிக்ஸ் பேக் உடற்கட்டுக்கு மாறியிருக்கிறார் ஜூனியர் என்டிஆர்.

இந்த புகைப்படங்களை அவர் தனது சோஷியல் மீடியாவில் வெளியிட, ரசிகர்கள் அதை வைரலாக்கியுள்ளனர். இப்போது இந்த புதிய உடல்வாகுவுடன் டிராகன் படத்தின் படப்பிடிப்பில் அவர் பங்கேற்று நடித்து வருகிறார். ஜூனியர் என்டிஆரின் இந்த அர்ப்பணிப்பை பார்த்து, சிக்ஸ்பேக் உடற்கட்டுடன் அவர் வரும் காட்சிகளை பிரசாந்த் நீல் அதிகப்படுத்தியுள்ளாராம். அவரது கடினமான இந்த உழைப்பை ரசிகர்கள் பாராட்டி வருகிறார்கள்.