சினிமாவில் எவ்வளவு பிசியாக இருந்தாலும் ஆரோக்கியத்தின் மீது அதிக அக்கறை கொண்ட சமந்தா தினமும் உடற்பயிற்சி செய்த பிறகு ஆரோக்கியமான உணவை எடுத்துக்கொள்கிறார். தனது ரசிகர்களுக்கும் பல டிப்ஸ்களை தந்து வருகிறார். அந்த வகையில் தினமும் காலையில் எழுந்ததும் பின்பற்ற வேண்டிய விஷயங்கள் குறித்து அவர் வெளியிட்டுள்ள பதிவில் கூறியிருப்பதாவது: காலையில் எழுந்த உடன் இயல்பாகவே நமது கார்டிசோல் ஹார்மோனின் அளவு அதிகமாக இருக்கும். அந்நேரத்தில் செல்போன் பயன்படுத்தினால் மனஅழுத்தம் அதிகரிக்கும். எனவே காலை எழுந்ததும் முதல் 1 மணி நேரத்திற்கு செல்போன் பயன்படுத்துவதை தவிர்க்க வேண்டும். நரம்பு மண்டலத்தை அமைதிப்படுத்த 2 முதல் 5 நிமிடங்கள் அமைதியாக ஆழ்ந்த சுவாச பயிற்சி செய்யுங்கள். இதை 21 நாட்களுக்கு முயற்சி செய்து பாருங்கள்.

இந்த பயிற்சி உங்கள் நரம்பு மண்டலத்தை அமைதிப்படுத்தி அழற்சியை குறைக்க உதவும். மெதுவாக சுவாசிப்பது உங்கள் வேகஸ் நரம்பை தூண்டி நீங்கள் பாதுகாப்பாக இருப்பதாக மூளைக்கு உணர்த்தும். சீரான ரத்த அளவை கட்டுப்பாட்டுக்குள் வைப்பதற்கு அதிகாலையில் சூரிய ஒளியில் நிற்பது, காலையில் ஒரு எளிய பானத்தை அருந்துவது, சமச்சீரான காலை உணவை உட்கொள்வது அவசியம். காலை 11 மணிக்கு முன்பு உங்கள் உடற்பயிற்சியை செய்யுங்கள்.