ஐதராபாத்: இயக்குநர் நீரஜா கோனா இயக்கத்தில் ஜொன்னலகட்டா, ராசி கன்னா, நிதி ஷெட்டி நடித்த ‘தெலுசு கடா’ படம் கடந்த வருடம் வெளியாகி படு தோல்வி அடைந்தது. இந்த படத்தில் நடித்தது பற்றி ராசி கன்னா இப்போது பேசியிருக்கிறார்.
அவர் கூறியது:
அப்படத்தில் நடிக்கும்போதே எனக்கு படத்தினுடைய வெற்றி எப்படியிருக்கும் என்று தெரிந்துவிட்டது. ஏனென்றால் படத்தில் எனக்கு பிடிக்காத பல காட்சிகள் இடம்பெற்றிருந்தது. சில காட்சிகளில் படமாக்கும்போது அது எனக்கு சரியில்லை என்று தோன்றியது. ஆனாலும் இயக்குனர் மீது இருந்த நம்பிக்கையால் மாற்றுக்கருத்து ஏதும் சொல்லாமல் அப்படத்தில் நடித்து முடித்தேன். ஆனால் கிளைமாக்ஸ் காட்சியில் வரும் அறுவை சிகிச்சை காட்சியில் எனக்கு நடிக்க விருப்பமே இல்லை. இருந்தாலும் கிளைமாக்ஸ் காட்சி என்பதால் தவிர்க்க முடியாமல், அதில் நடிக்க வேண்டியதாகிவிட்டது. அந்த படம் எங்களுக்கு ஒரு நல்ல விஷயத்தை கொடுத்தது. எந்த கருத்தாக இருந்தாலும் அதை ஆழமாக அழுத்தமாக சொல்ல வேண்டும் என்று. அதுமட்டுமில்லாமல் படப்பிடிப்பின்போது கதையை பலமுறை மாற்றிமாற்றி எடுத்தார்கள். இதுதான் அப்படத்தின் தோல்விக்கு மிகப்பெரிய காரணம் என்று ராசி கன்னா தெரிவித்துள்ளார்.
