ஐதராபாத்: பான் இந்தியா ஸ்டார்களில் ஒருவரான அல்லு அர்ஜூன், தற்போது சன் பிக்சர்ஸ் பிரமாண்டமாக தயாரிக்க, அட்லீ எழுதி இயக்கும் பான்வேர்ல்ட் படத்தில் நடித்து வருகிறார். கடந்த 2011 மார்ச் 6ம் தேதி சினேகா ரெட்டியை அல்லு அர்ஜூன் திருமணம் செய்தார். இத்தம்பதிக்கு மகனும், மகளும் இருக்கின்றனர். கடந்த 6ம் தேதி அல்லு அர்ஜூனின் சகோதரரும், தெலுங்கு நடிகருமான அல்லு சிரிஷ், நயனிகா ரெட்டி திருமணம் ஐதராபாத்தில் நடந்தது. அதேநாளில் அல்லு அர்ஜூன், சினேகா ரெட்டி தம்பதியின் 15வது திருமண நாள் கொண்டாடப்பட்டது. இரண்டு தம்பதிகளுக்கும் அவர்களது ரசிகர்களும், நெட்டிசன்களும் சமூக வலைத்தளங்களின் மூலம் வாழ்த்து தெரிவித்தனர். இந்நிலையில், 15வது திருமண நாளையொட்டி சினேகா ரெட்டிக்கு பென்ஸ் கார் ஒன்றை பரிசளித்து, அவருக்கு இன்ப அதிர்ச்சி கொடுத்தார் அல்லு அர்ஜூன். அவரது தந்தையும், தயாரிப்பாளருமான அல்லு அரவிந்த், அல்லு அயன் ஆகியோர் முன்னிலையில், சினேகா ரெட்டிக்கு அவர் கார் சாவியை வழங்கி மகிழ்வித்தார். அந்த கருப்பு நிற மெர்சிடிஸ்-ஏஎம்ஜி சிஎல்இ 53 கார், ரூ.1.5 கோடி முதல் ரூ.1.81 வரை இருக்கும் என்று கூறப்படுகிறது.