ஐதராபாத்: பல் மருத்துவம் படித்து முடித்து, பிறகு மாடலிங் மூலம் பிரபலமானவர் மீனாட்சி சவுத்ரி (29). இந்தி மற்றும் தெலுங்கில் நடித்துள்ள அவர், பிறகு தமிழில் ‘கொலை’, ‘சிங்கப்பூர் சலூன்’, ‘தி கோட்’ ஆகிய படங்களில் நடித்தார். தெலுங்கில் அவர் நடித்த ‘லக்கி பாஸ்கர்’, ‘சங்கராந்திகி வஸ்துனம்’ ஆகிய படங்கள் வெற்றிபெற்றதால், அங்கு முன்னணி நடிகைகளில் ஒருவராக மாறி, கோடிக்கணக்கில் சம்பளம் வாங்கி நடிக்கிறார்.
இந்நிலையில் அவர் அளித்துள்ள ஒரு பேட்டியில், ‘எனது வருங்கால கணவருக்கு 100 ஏக்கர் நிலம் இருக்க வேண்டும். நன்றாக சமைக்க தெரிந்திருக்க வேண்டும். துணி துவைப்பது, துணிகளுக்கு இஸ்திரி போடுவது உள்பட அனைத்து வீட்டு வேலைகளும் தெரிந்தவராக இருக்க வேண்டும். இதுபோன்ற தகுதிகள் கொண்ட ஒருவரையே நான் திருமணம் செய்துகொள்வேன்’ என்று சொல்லியிருக்கிறார். அவருடைய கருத்துக்கு நெட்டிசன்கள் தாறுமாறாக கமென்ட் வெளியிட்டுள்ளனர் என்பது குறிப்பிடத்தக்கது.
