ஐதராபாத்: பவன் கல்யாண், ஸ்ரீலீலா, ராசி கன்னா நடித்துள்ள படம் ‘உஸ்தாத் பகத் சிங்’. விரைவில் ரிலீசாக உள்ளது. இந்த படத்தின் இசையமைப்பாளராக தேவிஸ்ரீபிரசாத் ஒப்பந்தமானார். படத்தின் போஸ்ட் புரொடக்‌ஷன் பணிகள் நடந்து வரும் நிலையில், பின்னணி இசை பணிகளில் ேதவிஸ்ரீ பிரசாத் பங்கேற்கவில்லை. விசாரித்தபோது, அவர் படத்திலிருந்து நீக்கப்பட்டது தெரிந்தது. பாடல்களுக்கு மட்டுமே அவர் இசையமைத்துள்ளார்.

ஆனால் படத்துக்கு ஒப்பந்தமானபோது பாடல்கள், பின்னணி இசை இரண்டுக்காகவும்தான் அவர் தேர்வானார். ஆனால் இப்போது ஏன் நீக்கப்பட்டார் என்பது கேள்விக்குறியாகியுள்ளது. அவருக்கு பதிலாக பின்னணி இசை அமைக்க தமன் தேர்வு செய்யப்பட்டுள்ளார். இந்த படம் மைத்ரி மூவி மேக்கர்ஸ் தயாரிக்கிறது. இதற்கு முன் இதே நிறுவனம் தயாரித்த ‘புஷ்பா 2’ படத்திலும் பாடல்களுக்கு தேவிஸ்ரீ பிரசாத் இசையமைத்த பிறகு அவர் படத்திலிருந்து விலகினார். பின்னணி இசையை சாம் சி.எஸ். அமைத்தார் என்பது குறிப்பிடத்தக்கது.