ஜேபி ஃபில்ம்ஸ் சார்பில் தயாரிப்பாளர் பி.ரகு தயாரிப்பில், இயக்குநர் ஆர்.மகாலட்சுமி முருகன் இயக்கத்தில் உருவாகியுள்ள இளைஞர்களை மையப்படுத்திய கமர்ஷியல் காதல் படம் “லவ் சப்ஸ்கிரைப் ஷேர்” (LSS). இப்படம் பிப்ரவரி 20ஆம் தேதி வெளியாகவுள்ள நிலையில், அதன் இசை மற்றும் டிரெய்லர் வெளியீட்டு விழா, படக்குழு மற்றும் திரை பிரபலங்கள் முன்னிலையில் நடைபெற்றது.

விழாவில் பேசிய அனைவரும் படக்குழுவின் முயற்சியை பாராட்டி, குறிப்பாக புதுமுக நாயகன் ஆதவ் கிருஷ்ணா மற்றும் நாயகி சிம்ரன் அத்வானியின் நடிப்பை வாழ்த்தினர். இயக்குநர் சரண் எழுதிய பாடலும், இசையும், டீசரும் நல்ல வரவேற்பைப் பெற்றுள்ளதாக கூறப்பட்டது.

கல்லூரி பின்னணியில் அமைந்த காதல் கமர்ஷியல் படமாக உருவாகியுள்ள இப்படம், ரசிகர்களிடையே நல்ல எதிர்பார்ப்பை ஏற்படுத்தியுள்ளது.

ஆதவ் கிருஷ்ணா, சிம்ரன், பகவதி பெருமாள், வினோதினி உள்ளிட்ட பலர் நடித்துள்ள இப்படம் பிப்ரவரி 20ஆம் தேதி திரையரங்குகளில் வெளியாகிறது.