ஐதராபாத்: கடை திறப்பு விழாவுக்கு வந்த ஸ்ரீலீலாவுக்கு ரசிகர் ஒருவர் காதல் கடிதம் கொடுத்ததும் அதற்கு ஸ்ரீலீலா ரியாக்ட் செய்த வீடியோ வைரலாகி வருகிறது. புஷ்பா 2 படத்தில் ஒரே பாடலில் டான்ஸ் ஆடி பான் இந்தியா நடிகை ஆகிவிட்டார் ஸ்ரீலீலா. தொடர்ந்து தமிழில் பராசக்தி படத்தில் நடித்திருந்தார். இப்போது இந்தி, தமிழ், தெலுங்கு மொழி படங்களில் பிசியாக நடித்து வருகிறார். நேற்று ஐதராபாத்திலுள்ள ஒரு கடையை திறக்க அவர் சென்றிருந்தார்.

அப்போது ஸ்ரீலீலாவை பார்க்க கூட்டம் அதிகமாக சேர்ந்துவிட்டது. அங்கிருந்து வெளியே வந்தவர், வளாகத்தில் இருந்த மேடையில் ஏறி அனைவரையும் பார்த்து கை அசைத்து வந்தார். அப்போது அவரிடம் ரசிகர் ஒருவர் கடிதம் தந்தார். அதில், ‘நான் உங்களை காதலிக்கிறேன்’ என்று எழுதி லவ் எமோஜிக்களை வரைந்து கொடுத்திருந்தார். இதைப் பார்த்த ஸ்ரீலீலா, உடனே வெட்கப்பட்டு, அந்த ரசிகரை அழைத்து அவருடன் செல்பி எடுத்துக்கொண்டார். இந்த வீடியோ தற்போது வைரலாகி வருகிறது.