அன்றைய தினம் தங்கம் விலை பவுனுக்கு ரூ.1200 குறைந்து ஒரு பவுன் ரூ.71,840க்கு விற்பனையானது. 8ம் தேதி ஞாயிற்றுக்கிழமை என்பதால் தங்கம் விலையில் மாற்றம் ஏற்படவில்லை. 9ம் தேதி தங்கம் விலை பவுனுக்கு ரூ.200 குறைந்து ஒரு பவுன் ரூ.71,640க்கும், 10ம் தேதி தங்கம் விலை பவுனுக்கு ரூ.80 குறைந்து, ஒரு பவுன் ரூ.71,560க்கும் விற்கப்பட்டது. தொடர்ந்து 3 நாட்களில் தங்கம் விலை பவுன் ரூ.1,480 வரை குறைந்தது. இந்த விலை குறைவு நகை வாங்குவோருக்கு மகிழ்ச்சியை ஏற்படுத்தி இருந்தது.
இந்நிலையில், கடந்த 11ம் தேதி முதல் தங்கம் விலை அதிகரிக்க தொடங்கியது. 11ம் தேதி மட்டும் தங்கம் விலை பவுனுக்கு ரூ.600 உயர்ந்து ஒரு பவுன் ரூ.72,160 ஆகவும், 12ம் தேதி (நேற்று முன்தினம்) தங்கம் விலை பவுனுக்கு ரூ.640 உயர்ந்து ஒரு பவுன் ரூ.72,800 ஆகவும் விற்பனையானது. இந்நிலையில், நேற்று தங்கம் விலை கிடுகிடுவென உயர்வை சந்தித்தது. அதாவது, நேற்று தங்கம் விலை கிராமுக்கு ரூ.195 உயர்ந்து ஒரு கிராம் ரூ.9,295க்கும், பவுனுக்கு ரூ.1,560 உயர்ந்து ஒரு பவுன் ரூ.74,360க்கும் விற்றது.
அதே நேரத்தில் தங்கம் விலை வரலாற்றில் அதிகப்பட்ச விலை என்ற புதிய உச்சத்தையும் பதிவு செய்தது. இதற்கு முன்னர் கடந்த ஏப்ரல் மாதம் 22ம் தேதி ஒரு பவுன் தங்கம் ரூ.74,320 அதிகபட்ச விலையாக இருந்தது. நேற்றைய விலை இதனை முறியடித்துள்ளது. இந்த அதிரடி விலையேற்றம் நகை வாங்குவோரை கடும் அதிர்ச்சிக்குள்ளாக்கியுள்ளது. அதே நேரத்தில் கடந்த 3 நாட்களில் மட்டும் தங்கம் விலை பவுனுக்கு ரூ.2,800 உயர்ந்துள்ளது.
வெள்ளி விலை நேற்று கிராமுக்கு ரூ.1.10 உயர்ந்து ஒரு கிராம் ரூ.120க்கும், கட்டி வெள்ளி (ஒரு கிலோ) ரூ.1,100 அதிகரித்து ரூ.1,20,000க்கும் விற்பனையானது. தங்கம், வெள்ளி விலை வரலாறு காணாத வகையில் உயர்ந்துள்ளதால் இல்லத்தரசிகள் கடும் அதிர்ச்சிக்கு உள்ளாகி உள்ளனர்.
The post தங்கம் விலை வரலாறு காணாத உச்சம் ஒரே நாளில் பவுனுக்கு ரூ.1,560 உயர்ந்தது: ரூ.74 ஆயிரத்தை தாண்டியது appeared first on Dinakaran.
