நெல்லை, ஜன.10: நீதிமன்ற விசாரணைக்கு ஆஜராகாமல் ஒரு மாதமாக தலைமறைவாக இருந்த பிடிவாரன்ட் பிறப்பிக்கப்பட்ட வாலிபரை தேவர்குளம் போலீசார் நேற்று கைது செய்தனர். தேவர்குளம் காவல் நிலைய சரகத்திற்கு உட்பட்ட பகுதியில் கடந்த 2020ம் ஆண்டு கொலை முயற்சியில் ஈடுபட்ட வழக்கில் சுத்தமல்லி, காந்தி நகரை சேர்ந்த இசக்கிமுத்து (33) என்பவர் கைது செய்யப்பட்டு ஜாமீனில் வெளிவந்தார். இவர் நீதிமன்ற விசாரணைக்கு கடந்த ஒரு மாதமாக ஆஜராகாமல் தலைமறைவாக இருந்து வந்ததால், நெல்லை கோர்ட் அவருக்கு பிடிவாரன்ட் பிறப்பித்து உத்தரவிட்டது. இந்நிலையில் தேவர்குளம் போலீசார் இசக்கிமுத்துவை தேடி வந்த நிலையில், நேற்று அவரை கைது செய்து நீதிமன்றத்தில் ஆஜர்படுத்தினர்.

The post தலைமறைவாக இருந்தவர் கைது appeared first on Dinakaran.