பள்ளிகொண்டா, ஜன.9: பள்ளிகொண்டா அடுத்த கொல்லமங்கலம் கிராமத்தை சேர்ந்தவர் சரத்குமார்(24). இந்நிலையில் அதே கிராமத்தை சேர்ந்த பத்தாம் வகுப்பு முடித்து வீட்டில் இருந்த 16 வயது சிறுமியை காதலித்து கடந்த வருடம் பிப்ரவரி மாதம் திருமணம் செய்துள்ளார். அதனையடுத்து சிறுமி கர்ப்பமான நிலையில் 2 நாட்களுக்கு முன்பு குடியாத்தம் அரசு மருத்துவமனைக்கு சென்றுள்ளனர். அப்போது, சிறுமிக்கு 18 வயது நிரம்பும் முன்பே 9 மாத கர்ப்பத்தை உறுதி செய்த மருத்துவர்கள் காவல் நிலையத்திற்கு தகவல் தெரிவித்துள்ளனர். அதனையடுத்து பள்ளிகொண்டா போலீசார் சிறுமியை திருமணம் செய்த வாலிபர் சரத்குமார் மீது போக்சோ சட்டத்தின் கீழ் வழக்குப்பதிந்து அவரை கைது செய்து சிறையில் அடைத்தனர்.

The post சிறுமியை கர்ப்பமாக்கிய வாலிபர் போக்சோவில் கைது பள்ளிகொண்டா அருகே appeared first on Dinakaran.