வட கிழக்கு பருவமழை இன்னும் முடிவுக்கு வராத நிலையில், தமிழகத்தில் ஆங்காங்கே லேசான மழை பெய்து வருகிறது. கிழக்கு திசையில் இருந்து வீசும் காற்றின் வேகமாறுபாடு காரணமாக தமிழகத்தில் இன்று முதல் 7 நாட்கள் ஓரிரு இடங்களில் மிதமான மழைக்கு வாய்ப்பு என வானிலை ஆய்வு மையம் தகவல் தெரிவித்துள்ளது.
உள் தமிழகத்தில் பொதுவாக வறண்ட வானிலை காணப்படும். பொதுவாக காலை வேளையில் லேசான பனி மூட்டம் காணப்படும் எனவும் நீலகிரி மாவட்டத்தின் மலைப்பகுதிகளில் இரவு நேரங்களில் உறைபனிக்கு வாய்ப்பு உள்ளதாகவும் வானிலை ஆய்வு மையம் தகவல் தெரிவித்துள்ளது.
இன்று கடலோர தமிழகத்தில் ஓரிரு இடங்களிலும் லேசானது முதல் மிதமான மழை பெய்யும் எனவும் இதே நிலை 10ம் தேதி வரை நீடிக்கும் எனவும்11ம் தேதியில் தஞ்சாவூர், நாகை, மயிலாடுதுறை, புதுக்கோட்டை, மாவட்டங்களில் ஓரிரு இடங்களிலும், கனமழை பெய்யும் எனவும் வானிலை மையம் தகவல் தெரிவித்துள்ளது.
The post தமிழ்நாட்டில் இன்று முதல் 7 நாட்கள் ஓரிரு இடங்களில் மிதமான மழைக்கு வாய்ப்பு: வானிலை ஆய்வு மையம் appeared first on Dinakaran.