இந்த புத்தகக் காட்சி வரும் ஜனவரி 12ம் தேதி வரை மொத்தம் 17 நாட்கள் நடைபெறுகிறது. புத்தகக் காட்சி விடுமுறை நாட்களில் காலை 11 மணி முதல் இரவு 8.30 மணி வரை நடைபெறும். வேலை நாட்களில் பிற்பகல் 2 மணி முதல் இரவு 8.30 மணி வரை நடைபெறும். இதற்கு நுழைவுக் கட்டணமாக பொதுமக்களுக்கு ₹10 மட்டும் நிர்ணயிக்கப்பட்டுள்ளது. பள்ளி-கல்லூரி மாணவர்களுக்கு அனுமதி இலவசம். மொத்தம் 900 அரங்குகள் இடம் பெற்றுள்ளன. இதில் தினகரன்- சூரியன் பதிப்பகத்திற்கு இரண்டு அரங்குகள் ஒதுக்கப்பட்டுள்ளன. இந்த அரங்குகள் 329, 330 என்ற எண்களில் அமைந்துள்ளன.
தற்போது அரையாண்டு விடுமுறை முடிந்து மீண்டும் பள்ளிகள் திறக்கப்பட்டுள்ளதால் நேற்று பள்ளிகள் சார்பில் புத்தக கண்காட்சிக்கு மாணவர்களை அழைத்து வந்தனர். மாணவர்கள் வருகை அதிகரிக்க வேண்டும், வாசிப்பு திறனை ஊக்குவிக்க வேண்டும் என்பதற்காக பபாசி சார்பில் சென்னை மற்றும் புறநகர் பகுதிகளில் உள்ள பள்ளி கல்லூரி மாணவர்க்ளுக்கு 10 லட்சம் இலவச நுழைவு சீட்டு வழங்கப்பட்டது. புத்தக கண்காட்சிக்கு வரும் மாணவர்களை கவரும் வகையில் பொம்மைகள், தள்ளுபடிகள் என பல பணிகளை பதிப்பாளர்கள் செய்துள்ளனர். குறிப்பாக 10 சதவீதம் சலுகை விலையிலும் புத்தகங்கள் விற்பனை செய்யப்பட்டு வரும் நிலையில் பள்ளி கல்லூரி மாணவர்கள் அதிக அளவு ஆர்வம் கொண்டுள்ளனர். இன்று சனிக்கிழமை என்பதால் கூடுதலாக பள்ளி மாணவர்களை பள்ளிகள் அழைத்து வர ஏற்பாடு செய்யப்பட்டுள்ளது.
இன்றைய நிகழ்ச்சி
அறிவை விருத்தி என்ற தலைப்பில் எஸ்தர் ஜெகதீஸ்வரி, வாசிப்பால் உயர்ந்த வரலாறு என்ற தலைப்பில் கிருங்கை சேதுபதி, தமிழ் எழுத்துகளில் உழவனின் வாழ்க்கை என்ற தலைப்பில் மகேந்திரன் பேச உள்ளனர்.
The post 48வது புத்தக கண்காட்சி ஆர்வமுடன் புத்தக காட்சியை பார்வையிட்ட பள்ளி மாணவர்கள் appeared first on Dinakaran.