திருநெல்வேலி: திருநெல்வேலியில் இருந்து பெண்கள் உள்ளிட்ட நாட்டுப்புற கலைஞர்களை மதுரைக்கு அழைத்து வந்து பாஜகவினர் போராட்டம் நடத்தியது அம்பலமாகியது. அண்ணா பல்கலை. மாணவி வன்கொடுமைக்கு நீதி கேட்டு மதுரையில் போராட்டம் நடத்த பாஜக நெல்லையில் இருந்து பெண்களை அழைத்து வந்தது. நீதி கேட்டு ஆவேசமாக முழக்கமிட்ட நாட்டுப்புற கலைஞர் உமா, போராட்டத்தின் முடிவில் போலீஸ் கைது செய்தபோது கண்ணீர்விட்டார். ஆர்ப்பாட்டம் முடிந்தவுடன் சென்றுவிடலாம் என கூறி அழைத்து வரப்பட்ட நிலையில் கைது செய்யப்பட்டதால் உமா கண்ணீர் என தகவல் வெளியாகியது.போராட்டத்தில் ஈடுபட்டவர்களை கைது செய்த போலீசார் சிம்மக்கல்லில் உள்ள ஆட்டு வியாபாரிகளுக்கு சொந்தமான மண்டபத்தில் அடைத்தனர். பாஜகவினர் சிறை வைக்கப்பட்டுள்ள மண்டபத்தின் அருகிலேயே ஆடுகள் அடைத்து வைக்கப்பட்டிருந்தன. ஆட்டுப்பட்டி அருகிலேயே தங்களை சிறை வைத்ததற்கு பாஜகவினர் எதிர்ப்பு தெரிவித்தனர். ஆட்டு வியாபாரிகளுடன் பாஜகவினர் சிலர் வாக்குவாதத்தில் ஈடுபட்டதால் பரபரப்பு ஏற்பட்டது.

The post நெல்லையில் இருந்து நாடகக் கலைஞர்களை அழைத்து வந்து பாஜக போராட்டம்..!! appeared first on Dinakaran.