புத்தாண்டை பொதுமக்கள், காவலர்கள், சமூக ஆர்வலர்களோடு மகிழ்ச்சியாக கொண்டாடும் விதத்தில், செங்குன்றம் காவல் மாவட்ட துணை ஆணையர் கே.எஸ்.பாலகிருஷ்ணன் தலைமையில் கேக் வெட்டி கொண்டாடப்பட்டது. இந்த நிகழ்வில் போக்குவரத்து காவல் துணை ஆணையர் அன்பு, செங்குன்றம் காவல் சரக உதவி ஆணையர் ராஜா ராபர்ட், நுண்ணறிவு பிரிவு உதவி ஆணையர் பிராங்கிளின் ரூபன், செங்குன்றம் காவல் ஆய்வாளர் புருஷோத்தமன், போக்குவரத்து ஆய்வாளர் சோபிதாஸ், உதவி ஆய்வாளர்கள் ரமேஷ், சரவணன், மனோகரன், செங்குன்றம் பேரூராட்சி தலைவர் கு.தமிழரசி குமார், வழக்கறிஞர்கள் எம்.தேவராஜ், கந்தவேல், சரவணன் உள்ளிட்ட காவலர்கள், பொதுமக்கள், சமூக ஆர்வலர்கள், வழக்கறிஞர்கள் கலந்துகொண்டு சிறப்பித்தனர்.
இதனையடுத்து சாலைகளில் சென்று கொண்டிருந்த வாகன ஓட்டிகளிடம் சாலை பாதுகாப்பு குறித்த விழிப்புணர்வு ஏற்படுத்தப்பட்டது. இதில், சாலையில் செல்லும்போது விதிமுறைகளை பின்பற்ற வேண்டும், அதிவேக பயணம் நொடியில் மரணம், அதிக பாரம் ஏற்றி வாகனம் ஓட்டாதீர், மது அருந்திவிட்டு வாகனம் ஓட்டாதீர், செல்போன் பேசிக்கொண்டு வாகனம் ஓட்டாதீர், உயிரை காக்க தலைக்கவசம் அணிவீர், சரக்கு வாகனம் மீது ஆட்களை ஏற்றாதீர் உள்ளிட்டவை குறித்தும், கஞ்சா, போதை மாத்திரைகள், பான் மசாலா, குட்கா உள்ளிட்ட போதை பொருட்கள் நடமாட்டம் இருந்தால், பொதுமக்கள் காவல்துறை கவனத்திற்கு கொண்டுசெல்ல வேண்டும் எனவும் விழிப்புணர்வு ஏற்படுத்தப்பட்டது.
The post செங்குன்றம் காவல் மாவட்டம், போக்குவரத்து போலீசார் சார்பில் சாலை பாதுகாப்பு விழிப்புணர்வு appeared first on Dinakaran.