திருவள்ளூர்: திருவள்ளூர் அடுத்த காக்களூரில் தனியார் தொழிற்சாலை செயல்பட்டு வருகிறது. இதில் காக்களூர் ஆஞ்சநேயபுரம் பகுதியைச் சேர்ந்த போத்திராஜ் என்பவர் மேலாளராக பணிபுரிந்து வருகிறார். அதே தொழிற்சாலையில் ஜார்கண்ட் மாநிலத்தைச் சேர்நத் அஜய்மன்னா (35) என்பவர் தொழிலாளியாக வேலை பார்த்து வந்துள்ளார். இந்நிலையில் புத்தாண்டு தினமான நேற்று முன்தினம் மாலை தொழிற்சாலையின் மொட்டை மாடி சுவரில் அமர்ந்திருந்த அஜய்மன்னா, எதிர்பாராதவிதமாக மொட்டை மாடியிலிருந்து திடீரென கீழே விழுந்துள்ளார். இதில் அஜய்மன்னாவுக்கு பலத்த காயம் ஏற்பட்டது. இதையடுத்து தகவல் அறிந்து தொழிற்சாலைக்கு வந்த போத்திராஜ் அவரை மீட்டு திருவள்ளூர் மாவட்ட அரசு மருத்துவக் கல்லூரி மருத்துவமனையில் சிகிச்சைக்காக சேர்த்துள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது.

The post மொட்டை மாடியில் இருந்து தவறி கீழே விழுந்த தொழிலாளி படுகாயம் appeared first on Dinakaran.