திருவொற்றியூர்: வண்ணாரப்பேட்டையில் ஸ்டான்லி அரசு மருத்துவமனை உள்ளது. இங்கு நாள்தோறும் ஆயிரத்துக்கும் மேற்பட்டோர் சிகிச்சைக்காக வந்து செல்கிறார்கள். உள்நோயாளியாக 500க்கும் மேற்பட்டோர் சிகிச்சை பெற்று வருகிறார்கள். இந்த மருத்துவமனையில் பிளாஸ்டிக் சர்ஜரி பிரிவில் மருத்துவராக பணிபுரிந்து வருபவர் சஞ்சனா. இவர், நேற்று முன்தினம் தனது காரை மருத்துவமனை பார்க்கிங் பகுதியில் நிறுத்தி வைத்திருந்தார். அந்த காரின் கண்ணாடியை மருத்துவமனைக்கு வந்த ஒருவர் உடைத்துள்ளார்.

இதுகுறித்த புகாரின் பேரில் வண்ணாரப்பேட்டை போலீசார் வழக்குப்பதிவு செய்து விசாரித்தனர். அதில், எண்ணூர் சுனாமி குடியிருப்பைச் சேர்ந்த குப்புராஜ் (22) என்பது தெரிந்தது. அவரை பிடித்து விசாரித்தனர். அதில், இவரது தந்தை மருத்துவமனையில் அனுமதிக்கப்பட்டிருப்பதும், அவரை பார்க்க வந்தபோது, மது போதையில் கார் கண்ணாடியை அடித்து உடைத்ததும் தெரிய வந்தது. இதையடுத்து, குப்புராஜை கைது செய்து விசாரணை நடத்தி வருகின்றனர்.

The post ஸ்டான்லி மருத்துவமனையில் டாக்டரின் காரை உடைத்தவர் கைது appeared first on Dinakaran.