கிறிஸ்துமஸ் விழா: கிறிஸ்துமஸ் விழாவை முன்னிட்டு சென்னை சாந்தோம், பெசன்ட் நகர், பரங்கிமலை பேராலயங்களை சுற்றி விரிவான பாதுகாப்பு ஏற்பாடுகள் செய்யப்பட்டுள்ளது. கிறிஸ்துமஸ் பண்டிகை நாளை கொண்டாடப்படுகிறது. இதையொட்டி, இன்று இரவு முதல் அனைத்து தேவாலயங்களிலும் சிறப்பு பிரார்த்தனை நடைபெறும். தேவாலயங்களில் நடைபெறும் சிறப்பு பிரார்த்தனையில் ஏராளமானோர் கலந்து கொள்ள வருகை தருவார்கள் என்பதால், இன்று முதல் சென்னையில் போலீஸ் பாதுகாப்பு பலப்படுத்தப்பட்டுள்ளது.

அதன்படி, இன்று இரவு முதல் கிறிஸ்துமஸ் பண்டிகை கொண்டாடும் தேவாலயங்களில் சுழற்சி முறையில் போலீஸார் பாதுகாப்பு பணிகளை மேற்கொள்ள காவல் துறை சார்பில் ஏற்பாடு செய்யப்பட்டுள்ளது. சாந்தோம், பெசன்ட் நகர், பரங்கிமலை பேராலயங்களை சுற்றி விரிவான பாதுகாப்பு ஏற்பாடுகள் செய்யப்பட்டுள்ளது. சென்னையில் மற்ற தேவாலயங்கள் இருக்கும் பகுதிகளிலும் பாதுகாப்பு ஏற்பாடுகள் செய்யப்பட்டுள்ளன என காவல்துறை தெரிவித்துள்ளது. பைக் ரேஸை தடுக்க மெரினா, கிழக்கு கடற்கரை சாலை, பழைய மாமல்லபுரம் சாலையில் போலீசார் தீவிர கண்காணிப்பில் ஈடுபட்டு வருகின்றனர்.

The post கிறிஸ்துமஸ் விழா: சாந்தோம், பெசன்ட் நகர், பரங்கிமலை பேராலயங்களை சுற்றி விரிவான பாதுகாப்பு ஏற்பாடுகள் appeared first on Dinakaran.