ராஜஸ்தான் மாநிலம் ஜெய்சால்மரில் இன்று ஜிஎஸ்டி கவுன்சிலின் 55வது கூட்டம்

ஜெய்ப்பூர்: ராஜஸ்தான் மாநிலம் ஜெய்சால்மரில் ஜி.எஸ்.டி. கவுன்சிலின்55வது ஆலோசனைக் கூட்டம் ஒன்றிய நிதியமைச்சர் நிர்மலா சீதாராமன் தலைமையில் இன்று நடைபெற உள்ளது.

ஜி.எஸ்.டி. கவுன்சிலின் கீழ் உள்ள அமைச்சர்கள் குழுவின் முக்கிய நிகழ்ச்சி நிரல்களில் சுகாதார காப்பீட்டு பிரீமியங்களில் முன்மொழியப்பட்ட விகிதக் குறைப்பு மற்றும் ஜிஎஸ்டி வரம்பில் ஏவியேஷன் டர்பைன் எரிபொருளை சேர்ப்பது ஆகியவை அடங்கும்.

கூடுதலாக, இன்றைய கூட்டத்தின் போது கிட்டத்தட்ட 150 பொருட்களின் விலையை திருத்துவது குறித்து கவுன்சில் ஆலோசிக்கப்படுகிறது. இந்த விகிதப் பகுத்தறிவு நடவடிக்கை, ஒன்றிய அரசுக்கு சுமார் ரூ.22,000 கோடி கூடுதல் வருவாய் ஈட்ட உதவும் எனவும் எதிர்பார்க்கப்படுகிறது.

மருத்துவ, ஆயுள் காப்பீட்டு தொகைக்கு ஜி.எஸ்.டி.யில் இருந்து விலக்கு அளிப்பது பற்றியும் விவாதிக்கப்பட உள்ளது. விமான எரிபொருளை ஜி.எஸ்.டி. வரம்புக்குள் கொண்டு வருவது பற்றி இன்றைய கூட்டத்தில் ஆலோசனை நடத்தப்படுகிறது.

The post ராஜஸ்தான் மாநிலம் ஜெய்சால்மரில் இன்று ஜிஎஸ்டி கவுன்சிலின் 55வது கூட்டம் appeared first on Dinakaran.