அண்ணாநகர்: சமையல் அறையின் மேற்கூரை விழுந்து படுகாயம் அடைந்த 2 பேருக்கு தீவிர சிகிச்சை அளிக்கப்பட்டு வருகிறது. சென்னை டி.பி.சத்திரம் 5வது தெருவை சேர்ந்தவர் பூபாலன்(52). இவர் கூலி தொழிலாளி. இவரது மருமகள் இந்துமதி(21). இவர்கள் இருவரும் நேற்றிரவு சமைத்து கொண்டிருந்த போது திடீரென சமையல் கூடத்தின் மேற்கூரை சரிந்து விழுந்தது. இதில் பூபாலன், இந்துமதி ஆகியோர் இடிபாடுகளில் சிக்கி உடல் முழுவதும் படுகாயம் அடைந்தனர். அவர்களது கதறல் சத்தம் கேட்டு அக்கம்பக்கத்தினர் வந்து அவர்களை மீட்டு மருத்துவமனைக்கு கொண்டு செல்ல ஏற்பாடு செய்தனர்.
இதனிடையே டி.பி.சத்திரம் போலீஸ் உதவி ஆய்வாளர் கலைச்செல்வி தலைமையில் போலீஸ்காரர்கள் மைக்கேல்ராஜ், சூரிய பிரகாஷ் ஆகியோர் வந்து காயம் அடைந்த 2 பேரையும் மீட்டு உடனடியாக 108 ஆம்புலன்ஸ் மூலம் கீழ்பாக்கம் அரசு மருத்துவமனைக்கு அனுப்பினர். இதன்பிறகு கீழ்பாக்கம் கார்டன் பகுதியில் உள்ள தனியார் மருத்துவமனையில் சேர்த்து சிகிச்சை அளிக்கின்றனர். இதுகுறித்து டி.பி.சத்திரம் போலீசார் வழக்குபதிவு செய்து விசாரணை நடத்தினர்.
The post சமையல் அறை மேற்கூரை விழுந்து மாமனார், மருமகள் பலத்த காயம்: டி.பி.சத்திரத்தில் பரபரப்பு appeared first on Dinakaran.
