போச்சம்பள்ளி: கிருஷ்ணகிரி மாவட்டம், போச்சம்பள்ளி அருகே வடமலம்பட்டியில் வெல்டிங் கடை நடத்தி வருபவர் ஜெய்சங்கர் (42). உதவியாளர்களாக பிரகாஷ் (37), சரவணன் (21), அனுஸ்குமார் (21) உள்ளனர். நேற்று மாலை 6 மணியளவில் டூவீலரில் வந்த 2 பேர், இரும்பு பெட்டியை கொடுத்து ஓட்டை அமைத்து தரும்படி கூறி சென்றுள்ளனர்.

டிரில்லிங் மெசின் உதவியுடன் இரும்பு பெட்டியில் ஓட்டை போட்டபோது திடீரென பலத்த சத்தத்துடன் வெடித்துச் சிதறியது. இதில் ஜெய்சங்கர் உயிரிழந்தார். பிரகாஷை மேல் சிகிச்சைக்காக கிருஷ்ணகிரி அரசு மருத்துவமனைக்கு அனுப்பியுள்ளனர். பூட்டிய பெட்டியை ஓட்டை அமைக்க கொடுத்துவிட்டு மாயமான 2 பேரை போலீசார் தேடி வருகின்றனர்.

The post பழுது பார்க்க கொடுத்த இரும்பு பெட்டி வெடித்து சிதறி ஒருவர் பலி appeared first on Dinakaran.