சேலம், டிச.17: சேலம் கிச்சிப்பாளையம் எஸ்எம்சி காலனியை சேர்ந்தவர் இளையராஜா(22). இவர் மீது கடந்த 2023ம் ஆண்டு கொலை முயற்சி வழக்கு பதிவு செய்யப்பட்டது. இதில் அவர் கைது செய்யப்பட்டு, சிறையில் அடைக்கப்பட்டு, பின்னர் ஜாமீனில் வெளியே வந்தார். இந்த வழக்கு சேலம் கோர்ட்டில் நடந்து வருகிறது. ஆனால், வழக்கு விசாரணைக்கு கோர்ட்டில் ஆஜராகாமல் இருந்து வந்தார். இதனால் அவரை பிடிக்க, கோர்ட் பிடிவாரண்ட் பிறப்பித்தது. இதையடுத்து கிச்சிப்பாளையம் போலீசார் அவரை தேடி வந்த நிலையில், நேற்று இளையராஜாவை கைது செய்தனர். பின்னர், அவரை சேலம் கோர்ட்டில் ஆஜர்படுத்தினர்.
The post கொலை முயற்சி வழக்கில் கோர்ட்டில் ஆஜராகாமல் இருந்த வாலிபர் கைது appeared first on Dinakaran.
