தர்மபுரி, டிச.12:அரூர் சோலைக்கொட்டாய் பகுதியை சேர்ந்தவர் பெருமாள் மகள் பிரபு (32), கட்டிட மேஸ்திரி. இவர் நேற்று முன்தினம், சந்தைமேடு பகுதியில் உள்ள சந்தைக்கு சென்று காய்கறிகளை வாங்கிக்கொண்டு மீண்டும் திரும்பிக்கொண்டிருந்தார். அவரை பின்தொடர்ந்து வந்த மர்மநபர், எதிர்பாராத நேரத்தில் பாக்கெட்டில் வைத்திருந்த ஐபோனை பறித்துக்கொண்டு அங்கிருந்து ஓட்டம் பிடித்தார். அவரை பிரபு, அங்கிருந்தவர்களின் உதவியுடன் துரத்தி சென்று சுற்றி வளைத்து பிடித்தார். பின்னர், அவரை அவர்கள் அரூர் போலீசில் ஒப்படைத்தனர். போலீசார் நடத்திய விசாரணையில், அவர் அரூர் அம்பேத் நகரைச் சேர்ந்த முருகன் மகன் நாகதேவன்(20) என்பது தெரிந்தது. இதையடுத்து, அவரை போலீசார் கைது செய்து அவரிடமிருந்து ஐபோனை மீட்டனர்.

The post மேஸ்திரியிடம் ஐபோன் பறித்த வாலிபர் கைது appeared first on Dinakaran.