திருப்பூர், டிச.11: தமிழகம் முழுவதும் 6 முதல் 12ம் வகுப்பு மாணவ, மாணவியர்களுக்கான அரையாண்டு தேர்வு அட்டவணை பள்ளிக்கல்வித்துறையால் ஏற்கனவே வெளியிடப்பட்டிருந்தது. அதன்படி அரசு உயர்நிலைப்பள்ளிகளில் 11 மற்றும் 12ம் வகுப்பு மாணவ, மாணவியர்களுக்கான அரையாண்டு தேர்வு நேற்று முன்தினம் முதல் துவங்கியது. அதனை தொடர்ந்து பத்தாம் வகுப்பு மாணவர்களுக்கான அரையாண்டு தேர்வு நேற்று தொடங்கியது.

நேற்றைய தினம் தமிழ் மொழி தேர்வு தொடங்கிய நிலையில் தேர்வுகள் 23ம் தேதி வரை நடைபெற உள்ளது. துவக்க பள்ளிகளுக்கு வரும் 16ம் தேதி தேர்வுகள் தொடங்கி 23ம் தேதியுடன் முடிவடைகிறது. அதனைத்தொடர்ந்து, 24ம் தேதி முதல் ஜனவரி 1ம் தேதி வரை அரையாண்டு விடுமுறை விடப்பட உள்ளது.

அரையாண்டு விடுமுறை முடிந்து ஜனவரி 2ம் தேதி மீண்டும் பள்ளிகள் திறக்கப்படும் என அரசு ஏற்கனவே தெரிவித்துள்ளது. திருப்பூர் மாவட்டத்தில் 354 மேல்நிலைப்பள்ளிகளைச் சேர்ந்த சுமார் 30,000 மாணவர்கள் வரை பத்தாம் வகுப்பு அரையாண்டு தேர்வினை எழுதுகின்றனர்.

The post 10ம் வகுப்பு மாணவர்களுக்கு அரையாண்டு தேர்வு துவங்கியது appeared first on Dinakaran.