கிருஷ்ணகிரி, டிச.10: கிருஷ்ணகிரி பழையபேட்டை மோகன்ராவ் காலனியை சேர்ந்தவர் கதிரேசன் (53), டெய்லர். இவர் தனது நண்பரான சந்தோஷ் என்பவருடன், கிருஷ்ணகிரி அடுத்த பாப்பாரப்பட்டியில் உள்ள வேடியப்பன் கோயில் பகுதியில், கடந்த சனிக்கிழமை இரவு டூவீலரில் சென்றுள்ளார். அப்போது அங்கு வந்த வாலிபர் ஒருவர், இவர்களது டூவீலரை வழிமறித்து, தகராறில் ஈடுபட்டுள்ளார். அப்போது, அவர்களுக்குள் வாக்குவாதம் ஏற்பட்டதில் ஆத்திரமடைந்த அந்த வாலிபர், கதிரேசனை கால் மற்றும் கை பகுதியில் அரிவாளால் சரமாரியாக வெட்டினார். இதில் படுகாயமடைந்த அவரை, அக்கம் பக்கத்தினர் மீட்டு கிருஷ்ணகிரி அரசு மருத்துவமனையில் சேர்த்தனர். இதுபற்றி கதிரேசன் கொடுத்த புகாரின் பேரில், டவுன் போலீசார் வழக்கு பதிவு செய்து, கதிரேசனை வெட்டிய தியாகராஜன் (எ) சுக்குகாப்பி (24) என்பவரை கைது செய்தனர். பின்னர், அவரை நீதிமன்றத்தில் ஆஜர்படுத்தி சிறையில் அடைத்தனர்.

The post டெய்லரை அரிவாளால் வெட்டிய வாலிபர் கைது appeared first on Dinakaran.