கிருஷ்ணகிரி, டிச.8: கிருஷ்ணகிரி ராஜீவ் நகரைச் சேர்ந்தவர் கணேஷ்(28). இவர் கிருஷ்ணகிரியில் உள்ள டிவி ஷோரூமில் பணியாற்றி வந்தார். கடந்த 4ம் தேதி, தலை வலிப்பதாக தாயார் பூங்கொடியிடம் கூறிய கணேஷ், மருத்துவமனைக்கு சென்றார். ஆனால், மீண்டும் வீடு திரும்பவில்லை. இதனால், குடும்பத்தினர் பல்வேறு இடங்களில் தேடியும் அவர் கிடைக்கவில்லை. அவரது போனும் சுவிட்ச் ஆப் செய்யப்பட்டிருந்தது. இதுகுறித்து கிருஷ்ணகிரி தாலுகா போலீசில் பூங்கொடி புகார் தெரிவித்தார். அதன்பேரில், போலீசார் வழக்குப்பதிந்து விசாரித்து வருகின்றனர். அதே போல், ராயக்கோட்டை அருகே லிங்கனம்பட்டியைச் சேர்ந்தவர் தாமோதரன்(35). டிரைவரான இவர், கடந்த 3ம் தேதி வீட்டில் இருந்து வெளியே சென்றார். பின்னர், மீண்டும் வீடு திரும்பவில்லை. இதுகுறித்து அவரது மனைவி பவித்ரா, ராயக்கோட்டை போலீஸ் ஸ்டேஷனில் அளித்த புகாரின்பேரில், போலீசார் விசாரிக்கின்றனர்.

The post டிவி ஷோரூம் ஊழியர் மாயம் appeared first on Dinakaran.