வேலூர், டிச.8: வேலூரில் பைக்கில் சென்ற வாலிபரை கத்தியால் குத்திய மர்ம நபர்களை போலீசார் தேடி வருகின்றனர். வேலூர் கஸ்பாவை சேர்ந்தவர் மணிகண்டன்(25). இவர் நேற்று முன்தினம் இரவு ஆர்.என்.பாளையம் பிள்ளையார் கோயில் அருகே தனது பைக்கில் வந்து கொண்டிருந்தார். அப்போது எதிரே மற்றொரு பைக்கில் வந்த 2 பேர் வேகமாக தங்கள் பைக்கை மணிகண்டன் மீது மோதுவது போல வந்தனர். அதிர்ச்சியடைந்த மணிகண்டன், பைக்கில் வந்தவர்களிடம் ஏன் மோதுவது போல வந்தீர்கள்? என தட்டிக்கேட்டார். இதனால் ஆத்திரமடைந்த 2 பேரும், மணிகண்டனை தாக்கி தாங்கள் மறைத்து வைத்திருந்த கத்தியால் வயிற்றில் குத்தினர். இதனை பார்த்த அக்கம் பக்கத்தினர் மணிகண்டனை மீட்டு வேலூர் அரசு மருத்துவக்கல்லூரி மருத்துவமனைக்கு சிகிச்சைக்காக அனுப்பி வைத்தனர். இதுகுறித்து மணிகண்டன் கொடுத்த புகாரின் பேரில் வேலூர் தெற்கு போலீசார், கத்தியால் குத்திய மர்ம நபர்கள் 2 பேரை வலைவீசி தேடி வருகின்றனர்.
The post வாலிபருக்கு கத்திக்குத்து மர்ம நபர்களுக்கு வலை பைக்கில் மோதுவது போல் வந்து appeared first on Dinakaran.
