சேந்தமங்கலம், டிச.6: எருமப்பட்டி அடுத்த தேவராயபுரம் பகுதியில், கஞ்சா விற்பனை செய்யப்பட்டு வருவதாக, எருமப்பட்டி போலீசாருக்கு ரகசிய தகவல் கிடைத்தது. அதன் பேரில் போலீஸ் இன்ஸ்பெக்டர் யுவராஜ் தலைமையில் எஸ்ஐ சாந்தகுமார் மற்றும் போலீசார், நேற்று அப்பகுதியில் மறைந்து நின்று நோட்டமிட்டு கொண்டிருந்தனர். அப்போது அங்குள்ள பஸ் நிறுத்தத்தில் ஒரு வாலிபர் கையில் பையுடன் நின்று கொண்டிருந்தார். அவரை போலீசார் பிடித்து விசாரணை நடத்தியதில், அதே பகுதியை சேர்ந்த செல்வராஜ் மகன் முருகேசன்(24), பெயிண்டர் என்பதும், பையில் கஞ்சா வைத்துக்கொண்டு விற்பனை செய்ததும் தெரியவந்தது. இதையடுத்து போலீசார் அவரை கைது செய்து, அவரிடம் இருந்து ஒரு கிலோ கஞ்சாவை பறிமுதல் செய்தனர். தொடர்ந்து அவரிடம் போலீசார் விசாரணை நடத்தி வருகின்றனர்.

The post கஞ்சா விற்ற பெயிண்டர் கைது ஒரு கிலோ பறிமுதல் appeared first on Dinakaran.