கொல்லம்: கேரள மாநிலம் ஆரியங்காவில் ஐயப்ப பக்தர்கள் சென்ற பேருந்து மீது லாரி மோதிய விபத்தில் சேலத்தை சேர்ந்த சக்திவேல் என்ற பக்தர் உயிரிழந்துள்ளார். சேலத்தில் இருந்து ஐயப்ப பக்தர்கள் குழு நேற்று சாமி தரிசனம் செய்வதற்காக சபரிமலைக்கு வந்துள்ளனர். இவர்கள் ஐயப்பனை தரிசனம் செய்துவிட்டு இன்று சொந்த ஊருக்கு செல்வதற்காக சென்று கொண்டிருந்தனர். அப்போது அதிகாலை 4 மணிக்கு கொல்லம் ஆரியங்காவு பகுதியில் பேருந்து சென்று கொண்டிருந்த போது சிமெண்ட் ஏற்றி கொண்டு எதிரே வந்த லாரி பேருந்து மீது மோதி விபத்துக்குள்ளானது.
இதில் லாரி மோதிய வேகத்தில் பேருந்து 40 அடி பள்ளத்தில் கவிழ்ந்தது. இதையடுத்து அக்கம் பக்கத்தினர் சென்று உடனடியாக ஐயப்ப பக்தர்களை மீட்டனர். இந்த தகவலறிந்த தீயணைப்பு துறையினர் மற்றும் காவல்துறையினர் சம்பவ இடத்திற்கு வந்து காயமடைந்த ஐயப்ப பக்தர்கள் அனைவரையும் மீட்டு அருகில் உள்ள மருத்துவமனைக்கு சிகிச்சைக்காக கொண்டு சென்றனர். இந்த விபத்தில் ஒருவர் பரிதாபமாக உயிரிழந்த நிலையில், 16 பேர் படுகாயம் அடைந்துள்ளனர். இவர்கள் அனைவருக்கும் மருத்துவமனையில் சிகிச்சை அளிக்கப்பட்டு வருகிறது. இந்த விபத்து தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.
The post ஆரியங்காவில் ஐயப்ப பக்தர்கள் சென்ற பேருந்து மீது லாரி மோதி விபத்து: சேலத்தைச் சேர்ந்த ஐயப்ப பக்தர் உயிரிழப்பு appeared first on Dinakaran.
