*24 குழந்தைகளுக்கு தங்க மோதிரம் அணிவித்தார் எம்எல்ஏ

திண்டுக்கல் : தமிழக துணை முதல்வர் உதயநிதி ஸ்டாலின் பிறந்தநாளை திண்டுக்கல் மாவட்டம் முழுவதும் திமுகவினர் கொண்டாடி வருகின்றனர். அந்த வகையில் திண்டுக்கல் அரசு மருத்துவமனையில் நேற்று முன்தினம் பிறந்த 19 குழந்தைகளுக்கு ஊரக வளர்ச்சி துறை அமைச்சர் ஐ.பெரியசாமி தலா ஒரு கிராம் தங்க மோதிரம் அணிவித்து பிரட், பழம், மருந்து பெட்டகம் ஆகியவற்றை வழங்கினார்.

மேலும் நேற்று முன்தினம் இரவு 12 மணி வரை பிறக்கும் அனைத்து குழந்தைகளுக்கும் தங்க மோதிரம் வழங்கப்பட உள்ளது என தெரிவித்திருந்தார் அதன்படி நேற்று முன்தினம் இரவு 12 மணி வரை பிறந்த 24 குழந்தைகளுக்கு தலா ஒரு கிராம் தங்க மோதிரத்தை நேற்று திண்டுக்கல் கிழக்கு மாவட்ட செயலாளரும், பழநி எம்எல்ஏவுமான ஐ.பி.செந்தில்குமார் வழங்கினார்.

இந்நிகழ்ச்சி ஏற்பாடுகளை மாநகர செயலாளரும், துணை மேருமான ராஜப்பா, மேயர் இளமதி ஜோதி பிரகாஷ், ஒன்றிய செயலாளர்கள் நெடுஞ்செழியன், வெள்ளிமலை ஆகியோர் செய்திருந்தனர். இதில் மாவட்ட துணை செயலாளர் பிலால் உசேன், திண்டுக்கல் ஒன்றிய தலைவர் ராஜா, மாவட்ட மாணவரணி செயலாளர் அஸ்வின், மாநகர துணை செயலாளர் அழகர்சாமி, பொருளாளர் மீடியா சரவணன் பகுதி செயலாளர்கள் ஜானகிராமன், சந்திரசேகர், பஜிலுல் ஹக், ராஜேந்திர குமார், மண்டல தலைவர்கள் ஜான் பீட்டர், ஆனந்த், மாமன்ற உறுப்பினர்கள் லட்சுமி சுபாஷினி, பொதுக்குழு உறுப்பினர் அக்பர் உள்பட பலர் கலந்து கொண்டனர்.

திண்டுக்கல் மாநகர மேற்கு பகுதி திமுக சார்பில் இலவச பொது மருத்துவ முகாம், முதியோர் பென்ஷன், மாற்றுத்திறனாளிகளுக்கு நலத்திட்ட உதவிகள் வழங்கும் விழா நடைபெற்றது. மேற்கு பகுதி செயலாளர் பஜூலுல் ஹக் தலைமை வகித்தார். மாநகர செயலாளரும், துணை மேயருமான ராஜப்பா, மேயர் இளமதி முன்னிலை வகித்தனர். சிறப்பு விருந்தினராக கலந்து கொண்ட ஊரக வளர்ச்சி துறை அமைச்சர் ஐ.பெரியசாமி முகாமை துவக்கி வைத்து முதியோர் பென்ஷன், மாற்றுத்திறனாளிகளுக்கு நலத்திட்ட உதவிகளை வழங்கினார்.

முகாமில் 300க்கும் மேற்பட்டோருக்கு பல்வேறு நோய்களுக்கு சிகிச்சை அளிக்கப்பட்டது. மேலும் இலவச மருந்து, மாத்திரைகள் வழங்கப்பட்டது. இதில் மாவட்ட துணை செயலாளர் பிலால் உசேன், பகுதி கழக செயலாளர் ராஜேந்திரகுமார், மாநகராட்சி கவுன்சிலர்கள் மார்த்தாண்டன், விஜயா, 40வது வார்டு செயலாளர் முகமது இஸ்மாயில், நிர்வாகிகள் மணிகண்டன், சேவியர், கண்ணன் உள்பட பலர் கலந்து கொண்டனர்.

The post திண்டுக்கல்லில் உதயநிதி ஸ்டாலின் பிறந்தநாள் விழா மாற்றுத்திறனாளிகளுக்கு நலத்திட்ட உதவிகளை வழங்கினார் அமைச்சர் appeared first on Dinakaran.