கடலூர் : கடலூரில் பஸ்சில் இருந்து தவறி விழுந்ததில் தலைநசுங்கி பள்ளி மாணவர் சம்பவ இடத்திலேயே பரிதாபமாக உயிரிழந்தார்.கடலூர் தேவனாம்பட்டினத்தை சேர்ந்தவர் கண்ணதாசன் மகன் கைலாஷ்(16). இவர் கடலூரில் உள்ள ஒரு அரசு உதவி பெறும் பள்ளியில் 11ம் வகுப்பு படித்து வந்தார்.
கைலாஷ் நேற்று மாலை பள்ளி முடிந்து வீட்டுக்கு செல்வதற்காக தேவனாம்பட்டினம் நோக்கி செல்லும் தனியார் பஸ்சில் ஏறினார். பேருந்து வண்ணாரப்பாளையம் அருகே சென்று கொண்டிருந்தபோது, கைலாஷ் பஸ்சிலிருந்து தவறி கீழே விழுந்துள்ளார்.
இதில் பஸ்சின் பின்பக்க டயர் கைலாசின் தலை மீது ஏறி இறங்கியதில் அவர் சம்பவ இடத்திலேயே பரிதாபமாக உயிரிழந்தார். இது குறித்து தகவல் அறிந்த கடலூர் புதுநகர் போலீசார் சம்பவ இடத்துக்கு சென்று கைலாசின் உடலை கைப்பற்றி பிரேத பரிசோதனைக்காக கடலூர் அரசு மருத்துவமனைக்கு அனுப்பி வைத்தனர். மேலும் இது குறித்து வழக்கு பதிவு செய்து விசாரணை நடத்தி வருகின்றனர். பஸ்சிலிருந்து தவறி விழுந்து பள்ளி மாணவன் உயிரிழந்த சம்பவம் சோகத்தை ஏற்படுத்தி உள்ளது.
The post கடலூரில் பரிதாபம் பஸ்சில் இருந்து தவறி விழுந்து பிளஸ் 1 மாணவர் பலி appeared first on Dinakaran.
