கனமழை முன்னெச்சரிக்கை நடவடிக்கை ஆவின் பாலகங்கள் 24 மணிநேரமும் இயங்கும்

சென்னை: அம்பத்தூர் பால்பண்ணை கேட் பாலகம், அண்ணாநகர் குட்நஸ் டவர் பூங்கா பாலகம், மாதவரம் பால்பண்ணை பாலகம், வண்ணாந்துரை பாலகம் மற்றும் பெசன்ட் நகர் பாலகம், வசந்தம் காலனி பாலகம், அண்ணாநகர் கிழக்கு, சோழிங்கநல்லூர் பால்பண்ணை பாலகம், விருகம்பாக்கம் பாலகம் (வளசரவாக்கம் மெகா மார்ட் அருகில்), சி.பி.ராமசாமி சாலை பாலகம், மயிலாப்பூர் ஆகிய பாலகங்களில் கன மழையை கருத்தில் கொண்டு பொதுமக்கள் அனைவருக்கும் தங்குதடையின்றி ஆவின் பால் விநியோகம் நடைபெறும் வகையில் அனைத்து பாலகங்களும் 24 மணி நேரமும் இயங்கக்கூடும். மேலும் அனைத்து பொதுமக்களுக்கும் ஆவின் பால் கிடைக்கும் வகையில் ஒருவருக்கு அதிகபட்சம் 4 பால் பாக்கெட் மட்டுமே வழங்க ஏற்பாடு செய்யப்பட்டுள்ளது.

ஆவின் பால் பவுடர் மற்றும் யூஎச்டி பால் ஆவின் பாலகங்களில் போதுமான அளவு சேமித்து வைக்கப்பட்டுள்ளது. ஆவின் பாலகங்களில் பால் அதிக அளவில் இருப்பு வைக்கப்பட்டு பொதுமக்களுக்கு விநியோகம் செய்யப்பட்டு வருகிறது. சென்னை மாநகரில் தேவைப்படும் பகுதிகளில் தற்காலிக விற்பனை நிலையம் அமைத்து ஆவின் பால் பவுடர் மற்றும் யூஎச்டி பால் விநியோகம் செய்ய நடவடிக்கை எடுக்கப்பட்டுள்ளது. எனவே, பொதுமக்களுக்கு எவ்வித தங்குதடையின்றி பால் விநியோகம் செய்ய ஆவின் நிறுவனம் அனைத்து விதமான முன்னெச்சரிக்கை நடவடிக்கைகளையும் மேற்கொண்டு வருகிறது. இவ்வாறு ஆவின் நிர்வாகம் தெரிவித்துள்ளது.

The post கனமழை முன்னெச்சரிக்கை நடவடிக்கை ஆவின் பாலகங்கள் 24 மணிநேரமும் இயங்கும் appeared first on Dinakaran.