சையத் மோடி பேட்மின்டன் இன்று முதன்மை சுற்று ஆட்டம்

லக்னோ: சையத் மோடி சர்வதேச பேட்மின்டன் போட்டி உத்தரபிரதேச மாநிலம் லக்னோவில் நேற்று தொடங்கியது. அதில் தகுதிச் சுற்று ஆட்டங்கள் நடந்தன. வெற்றி பெறும் ஆண்கள், பெண்கள் பிரிவில் தலா 4 பேர் இன்று நடைபெறும் முதன்மை சுற்றின் முதல் சுற்றில் களமிறங்குகின்றனர். தகுதிச்சுற்றில் பெரும்பாலும் இந்திய வீரர்கள், வீராங்கனைகள் களம் கண்டனர். தவிர மலேசியா, இங்கிலாந்து, சீனா, இலங்கை, தாய்லாந்தைச் சேர்ந்த இளம், வீரர்கள், வீராங்கனைகள் விளையாடினர்.

இன்று தொடங்கும் முதன்மைச் சுற்றில் இந்தியாவின் ஒற்றையர் பிரிவுகளில் பி.வி சிந்து, மாளவிகா மன்சூட், லக்‌ஷயா சென், ரவி, கிரண் ஜார்ஜ், ரகு மாரிசாமி, மிதுன் மஞ்சுநாத், சங்கர் முத்துசாமி, சதீஷ்குமார் கருணாகரன் பங்கேற்கின்றனர். இரட்டையர் பிரிவுகளில் சாத்விக்/சிராக், சஞ்சித்/அரவிந்த், அரிகரன்/ரூபன் குமார், தனிஷா/அஸ்வினி, கவிபிரியா/சிம்ரன், தன்யா/அருள்பாலா, நவ்தா/திவ்யா ஆகியோர் களம் காண உள்ளனர். கலப்பு இரட்டையர் பிரிவில் சுமீத்/சிக்கி, சுஞ்சித்/கவுரி, துருவ்/தனிஷா ஆகியோர் விளையாட உள்ளனர்.

The post சையத் மோடி பேட்மின்டன் இன்று முதன்மை சுற்று ஆட்டம் appeared first on Dinakaran.