கேரள மாநிலம் திருச்சூரில் சாலையோரம் தூங்கி கொண்டிருந்த தமிழர்கள் மீது லாரி ஏறி விபத்துக்குள்ளானதில் 2 சிறுவர்கள் உட்பட 5 தமிழர்கள் சம்பவ இடத்திலேயே உயிரிழந்தனர். கேரள மாநிலம் திருச்சூரில் தமிழகத்தை சேர்ந்த சிலர் வேலைக்காக சென்றிருந்த நிலையில், சிலர் சாலையோரத்தில் படுத்து தூங்கிக் கொண்டிருந்தனர். அப்போது அந்த வழியாக அதிவேகமாக வந்த லாரி ஒன்று சாலையோரம் தூங்கிக் கொண்டிருந்த தமிழர்கள் மீது சரமாரியாக ஏறி இறங்கியது. இதில் தூங்கிக்கொண்டிருந்த தமிழர்கள் அலறி துடித்தனர்.

இந்த விபத்தில் 2 சிறுவர்கள் உட்பட 5 பேர் சம்பவ இடத்திலேயே உயிரிழந்தனர். 7 பேர் படுகாயம் அடைந்த நிலையில், அவர்கள் திருச்சூர் மருத்துவக் கல்லூரி மருத்துவமமனையில் அனுமதிக்கப்பட்டுள்ளனர். அவர்களுக்கு அங்கு தீவிர சிகிச்சை அளிக்கப்பட்டு வருகிறது. இந்த சம்பவம் தொடர்பாக விபத்தை ஏற்படுத்திய லாரி ஓட்டுநர் மற்றும் உதவியாளர் கைது செய்யப்பட்டுள்ளனர். லாரி ஓட்டுநர் குடிபோதையில் விபத்தை ஏற்படுத்தியது தெரியவந்தது. லாரி ஏறி 5 தமிழகர்கள் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

The post கேரள மாநிலம் திருச்சூரில் சாலையோரம் தூங்கி கொண்டிருந்தவர்கள் மீது லாரி ஏறி விபத்து: 5 தமிழர்கள் சம்பவ இடத்திலேயே உயிரிழப்பு appeared first on Dinakaran.