இதில் ஒரு பெண் உட்பட 3 பேர் திருட்டு நடந்த வீடுகளில் இருந்து வெளியே வருவது பதிவாகியிருந்தது. இதன்படி, நேற்றுமுன்தினம் சீத்தஞ்சேரி பஜார் பகுதியில் சந்தேகப்படும்படி நின்றிருந்த 4 பேரை பிடித்து விசாரணை நடத்தியபோது கும்மிடிப்பூண்டி கோங்கல்மேடு கிராமம் எஸ்டி காலனியை சேர்ந்த கிருஷ்ணன் (26), காளஹஸ்திரி ராஜிவ் நகரை சேர்ந்த சத்யராஜ் (35), இவரது மனைவி பிரமிளா (30), கும்மிடிபூண்டி சித்திரையசை கண்டிகை டி.ஏ.நகரை சேர்ந்த அஜித் (21) என்பது தெரிந்தது.
விசாரணையின்போது இவர்கள் கூறியதாவது;
பூனைகளை பிடிப்பதுபோல் வந்து வீடுகளை நோட்டமிடுவோம். பின்னர் பகல் நேரத்தில் ஆட்கள் இல்லாத வீடுகளை பார்த்து பணம், நகை திருடுவோம். திருடிய பணத்தில் வசதியாக வாழலாம் என்று நினைத்து மாட்டிக்கொண்டோம். இவ்வாறு தெரிவித்தனர்.
இதையடுத்து பெண் உள்பட 4 பேரிடம் இருந்து 5 சவரன் நகை, 700 கிராம் வெள்ளி கொலுசு ஆகியவற்றை பறிமுதல் செய்தனர். இதன்பின்னர் அவர்களை ஊத்துக்கோட்டை நீதிமன்றத்தில் ஆஜர்படுத்தி புழல் சிறையில் அடைத்தனர்.
The post பூனை பிடிப்பதுபோல் நோட்டமிட்டு வீடுகளில் நகை, பணம் திருடிய பெண் உட்பட 4 பேர் கைது: சிக்க வைத்தது மூன்றாவது கண் appeared first on Dinakaran.