புதுடெல்லி: டெல்லி இந்தியா கேட் முன்பு ‘டவல் டான்ஸ்’ போட்ட மாடல் அழகியை சமூக வலைதளங்களில் பலரும் கண்டித்து வருகின்றனர். சமூக வலைதளங்களில் ‘ரீல்ஸ்’ வீடியோக்களை வெளியிடுவது மக்களிடையே வாடிக்கையாகிவிட்டது. அவற்றில் சர்ச்சைக்குரிய வீடியோக்கள் சமூக வலைதளங்களில் அடிக்கடி வைரலாகி, சில சமயங்களில் சிரிக்கவும் சில சமயம் அதிர்ச்சியடையவும் செய்கிறது. சமீபத்தில் இதுபோன்ற வீடியோ ஒன்று சமூக வலைதளத்தில் வைரலாகி வருகிறது. டெல்லியின் ‘இந்தியா கேட்’ முன்பு பொதுவெளியில் இளம்பெண் ஒருவர் வெள்ளை நிற துண்டுடன் (டவல் டான்ஸ்) ஆட்டம் போடும் வீடியோ சமூக ஊடகங்களில் தீயாய் வைரலாகி உள்ளது.

சிலர் அந்த பெண் நடனமாடுவதை பார்த்துக் கொண்டிருக்கின்றனர். சிலர் அந்த பெண் ஆடுவதை கேமராவில் படம் பிடிக்கின்றனர். குழந்தைகள் உட்பட ஏராளமான சுற்றுலாப் பயணிகள் அவரை ஆச்சரியத்துடன் பார்க்கிறார்கள். இந்த காணொளியை பார்த்த சிலர் சமூக வலைதளங்களில் ஜாலியாக எடுத்துக் கொள்கின்றனர். இன்னும் சிலர் பொதுவெளியில் இதுபோன்ற ஆபாச ரீல்ஸ் எடுக்க வேண்டுமா? என்று கடும் கோபத்தில் தங்களது கருத்துகளை தெரிவித்து வருகின்றனர். இந்தப் பெண் யார் என்று விசாரித்ததில், மேற்குவங்க மாநிலம் கொல்கத்தாவைச் சேர்ந்த மாடல் அழகி என்றும், ‘மிஸ் கொல்கத்தா – 2017’ போட்டியில் தேர்வு ஆனவர் என்றும் தெரிகிறது.

முன்னதாக, அவர் கொல்கத்தாவில் நடந்த துர்கா பூஜை பந்தலில் ஆட்டம் போட்ட வீடியோ வைரலானது.

The post பொதுவெளியில் ஆபாச ரீல்ஸ் மோகம்; டெல்லி இந்தியா கேட் முன்பு ‘டவல் டான்ஸ்’ போட்ட மாடல் அழகி: சமூக வலைதளங்களில் வீடியோ வைரல் appeared first on Dinakaran.