மதுராந்தகம்: மதுராந்தகம் நகரில் முன்னாள் பிரதமர் இந்திரா காந்தி பிறந்த நாள் தினவிழாவில் அன்னதானம் வழங்கப்பட்டது. செங்கல்பட்டு தெற்கு மாவட்டம் மதுராந்தகம் நகரில் காங்கிரஸ் கட்சி சார்பில் முன்னாள் பிரதமர் இந்திரா காந்தியின் பிறந்த நாளை முன்னிட்டு நேற்று மதுராந்தகம் நகரில் உள்ள காந்தி சிலை மற்றும் இந்திரா காந்தி படத்திற்கு அக்கட்சியினர் மாலை அணிவித்து மரியாதை செய்தனர். இந்த விழாவிற்கு கட்சியின் மாவட்டத் துணைத் தலைவர் புலவர் தங்க பெரு தமிழமுதன் தலைமை தாங்கினார். மாவட்டத் துணைத் தலைவர் கிரிஸ்டோபர் ஜெயபால் முன்னிலை வகித்தார். இதில் மதுராந்தகம் நகர தலைவர் லோகு, மாவட்ட பொது செயலாளர் நேருஜி, மாவட்ட செயலாளர் கெங்காதரன், நகர துணை தலைவர் கிருஷ்ணன் முன்னாள் நகர தலைவர் கோதண்டராமன் உள்ளிட்ட பலர் கலந்து கொண்டனர். இந்நிகழ்ச்சியில், மதுராந்தகம் நகருக்கு உட்பட்ட காங்கிரஸ் கட்சி நிர்வாகிகள் பொதுமக்கள் பலர் கலந்து கொண்டனர். முடிவில் கட்சியினர், பொதுமக்கள் உள்ளிட்ட பலருக்கும் அன்னதானம் வழங்கப்பட்டது.

The post இந்திரா காந்தி பிறந்த நாள் விழா appeared first on Dinakaran.