சூளகிரி, நவ.18: சூளகிரி தாலுகா பேரிகை போலீஸ் ஸ்டேஷனுக்கு உட்பட்ட சிகரலப்பள்ளி கேட் பகுதியில், நேற்று போலீசார் ரோந்து பணியில் ஈடுபட்டனர். அப்போது அங்கு சந்தேகம்படும்படி நின்றிருந்த நபரை பிடித்து விசாரணை நடத்தினர். இதில், அவர் பேரிகை அருகே குடிசாதனப்பள்ளி சிகரலப்பள்ளி கேட் பகுதியை சேர்ந்த பாப்பண்ணா மகன் பைரேஸ்(34) என்பதும், 500 கிராம் கஞ்சாவை விற்பனைக்கு வைத்திருந்ததும் தெரிய வந்தது. இதையடுத்து அவரை கைது செய்து, கஞ்சாவை பறிமுதல் செய்தனர். பின்னர், ஓசூர் நீதிமன்றத்தில் ஆஜர்படுத்தி, ஓசூர் கிளை சிறையில் அடைத்தனர்.
The post கஞ்சா விற்ற வாலிபர் கைது appeared first on Dinakaran.
