அகமதாபாத்: குஜராத்தில் அடுக்குமாடி குடியிருப்பில் தீ விபத்து ஏற்பட்டது. 100 பேர் பத்திரமாக மீட்கப்பட்டனர். குஜராத் மாநிலம் அகமதாபாத்தின் போபால் பகுதியில் 22 அடுக்குமாடி குடியிருப்பு கட்டிடத்தின் 8வது மாடியில் நேற்று மாலை தீடீரென தீ விபத்து ஏற்பட்டது. தகவலறிந்து சம்பவ இடத்திற்கு விரைந்து வந்த தீயணைப்பு துறையினர் நீண்ட நேர போராட்டத்திற்கு பிறகு தீயை கட்டுக்குள் கொண்டு வந்தனர். தீ விபத்து ஏற்பட்ட கட்டிடத்தில் இருந்து சுமார் 100 பேர் பாதுகாப்பாக வெளியேற்றப்பட்டனர். தீயணைப்பு துறையினர் சம்பவ இடத்திற்கு உடனடியாக விரைந்ததால் பெரும் விபத்து தவிர்க்கப்பட்டது.

இதுகுறித்து அதிகாரி ஒருவர் கூறுகையில், ‘இஸ்கான் பிளாட்டினத்தின் அடுக்குமாடி குடியிருப்பில் 8வது தளத்தில் தீ விபத்து ஏற்பட்டது. சுமார் 100 பேர் பாதுகாப்பாக வெளியேற்றப்பட்டனர். மயக்கமடைந்த பெண் ஒருவர் உள்பட 3 பேர் மருத்துவமனையில் அனுமதிக்கப்பட்டுள்ளார். அவரும் தற்போது நலமாக உள்ளார். தீ விபத்துக்கான காரணம் இன்னும் கண்டறியப்படவில்லை. தொடர்ந்து விசாரணை நடந்து வருகிறது’ என்று அதிகாரி தெரிவித்தார்.

The post குஜராத்தில் அடுக்குமாடி குடியிருப்பில் தீ: 100 பேர் பத்திரமாக மீட்பு appeared first on Dinakaran.