ராமேஸ்வரம், நவ. 16:குழந்தைகள் தினத்தையொட்டி அரசு பள்ளியில் போட்டிகளில் வெற்றி பெற்ற மாணவ மாணவிகளுக்கு நீதிபதி பரிசுகள் வழங்கி பாராட்டினார். ராமேஸ்வரத்தில் அப்துல் கலாம் பயின்ற மண்டபம் ஊராட்சி ஒன்றிய எண்.1 நடுநிலைப்பள்ளியில் நேற்று முன்தினம் குழந்தைகள் தினத்தை முன்னிட்டு பள்ளி நிர்வாகமும், வட்ட சட்ட பணிகள் குழு இணைந்து பேச்சுப்போட்டி, ஓவியப்போட்டி நடத்தப்பட்டது. வெற்றி பெற்ற மாணவ, மாணவிகளுக்கு ராமேஸ்வரம் வட்ட சட்டப் பணிகள் குழுவின் தலைவர் நீதிபதி எஸ்.இளையராஜா பரிசுகள் வழங்கி பாராட்டினார். தொடர்ந்து நீதிபதி குழந்தைகளுக்கு இனிப்புகள் வழங்கி குழந்தைகள் தின வாழ்த்துகளை தெரிவித்தார். பள்ளியின் தலைமையாசிரியர் ராஜலெட்சுமி நிகழ்ச்சியை ஒருங்கிணைத்தார். கவுன்சிலர் கோட்டை பிரியா, கலாமின் பேரன் சலீம் மற்றும் பள்ளி மேலாண்மை குழு உறுப்பினர்கள் கலந்து கொண்டனர்.

The post குழந்தைகள் தின போட்டிகளில் வெற்றி பெற்ற அரசு பள்ளி மாணவர்களுக்கு பரிசுகள் வழங்கல் appeared first on Dinakaran.