தென்காசி, நவ.14: தென்காசியில் தொண்டு நிறுவனம் நடத்தி வரும் கிருஷ்ணன் (29). இவர் நேற்று தென்காசி புதிய பேருந்து நிலையம் அருகில் திறந்த வெளியில் 30-க்கும் மேற்பட்ட நபர்களுடன் கூட்டாக இசைக்கருவிகள் முழங்க கத்தியை வைத்து கேக் வெட்டி தனது பிறந்தநாளை கொண்டாட முயன்றதாக போலீசாருக்கு தகவல் கிடைத்தது. இதனைத் தொடர்ந்து தென்காசி போலீசார் விரைந்து சென்று தடுத்து ஜீப்பில் ஏற்றி காவல் நிலையத்திற்கு அழைத்துச் சென்றனர். இதற்கிடையே கிருஷ்ணன் தனது பிறந்த நாளை முன்னிட்டு புதிதாக கட்சி துவங்கி அதன் பெயரை அறிவிக்க இருந்ததாக சமூக வலைதளங்களில் தகவல் பரவியது. இச்சம்பவம் தென்காசி புதிய பேருந்து நிலையப்பகுதியில் பரபரப்பை ஏற்படுத்தியது. இது குறித்து காவல்துறையினர் கூறுகையில் ‘பொதுமக்களுக்கு இடையூறாக நடந்து கொண்டதாக கூறி வழக்கு பதிந்து கைது செய்யப்பட்டு உடனடியாக ஜாமினில் விடப்பட்டதாக’ தெரிவித்தனர்.

The post கத்தியால் கேக் வெட்டி பிறந்தநாள் கொண்டாட முயன்றவரால் பரபரப்பு appeared first on Dinakaran.